Zaytun bargi ekstraktining foydalari

Zaytun bargining foydalari   

Zaytunning inson organizmi uchun foydalarini sanab sanog’iga yetib bo’lmaydi. Uning nafaqat mevasi, balki barglari ham juda foydali hisoblanadi. Zaytun yog’ining foydalari haqida barchamiz yaxshi bilamiz. Lekin, zaytun barglari inson sog'ligi uchun ajoyib foyda ekanligini bilarmidingiz? Ayniqsa, hozirgi sovuq va gripp davrida… 

Ma'lum bo'lishicha, bu savol nafaqat meni, balki tadqiqot olib boradigan va barglar va ularning ekstraktining foydali xususiyatlarini tasdiqlaydigan ko'plab olimlarni ham qiziqtiradi. Zaytun barglarining o’ziga xos  xususiyatlari shundaki, u qon bosimini normallashtiradi, yurak-qon tomir tizimini kuchaytiradi va energiya darajasini oshiradi. Zaytun bargi ekstrakti kuchli antioksidant bo'lib, qon tomirlarini shikastlanishdan himoya qiladi va uzoq vaqt davomida arterioskleroz rivojlanishiga yo'l qo'ymaydi.

1. Zaytun bargi jigarni himoyalaydi.

Ayniqsa, jigar kasalligini davolashda ijobiy ta'sir ko'rsatadi. Tadqiqotlar shuni ko'rsatadiki, zaytun barglari jigardagi yog’lanishni kamaytiradigan ta'sirga ega.

1. Qisqa vaqt ichida hujayralarni yangilaydi.

Zaytun bargi damlamasi teri kasalliklarini davolashda ham ishlatiladi. birinchi navbatda shikastlangan teri hujayralarini tiklaydi. Akne hosil bo'lgan terini tozalash bilan birga, yuzda akne dog'lari qolishini oldini oladi. Yaralar, qizarish, qichishqoq kabi holatlarda terining darhol yangilanishida rol o'ynaydi. Yaralarni mikroblardan tozalash uchun foydalaniladi. Bakteriyalar, viruslar va zamburug’larga qarshi juda samaralidir.

Zaytun bargi choy sifatida iste'mol qilinganda, to'qimalar va hujayralarning yangilanishini qo'llab-quvvatlaydi.

1. Zaytun bargining sochlarga foydalari

Zaytun barglari qazg’oq muammosini bartaraf etishda samaralidir. Bundan tashqari, zaytun bargining tozalash xususiyati tufayli siz bosh terisini tozalashingiz va kanallarni ochishingiz mumkin. Shunday qilib, bosh terisi kerakli namlikni qaytarib oladi va sochlar jonlanadi va porlaydi. Zaytun bargining sharbatini sochingizga massaj qilish orqali surtishingiz yoki unga biroz zaytun moyi qo'shishingiz ham mumkin. Buni bosh terisiga massaj qilish orqali qo'llaganingiz tavsiya etiladi. Taxminan yarim soat davomida kutish samarali bo’ladi.

1. Miya kasalliklarini oldini oladi.

Bu miya hujayralarini rag'batlantiradi va ularning sog'lom ishlashiga yordam beradi. Chalg'itish va uyqu buzilishi kabi holatlarda tabiiy choralardan biri zaytun bargi damlamasidir. Zaytun bargi damlamasi aqliy faoliyatni oshirishga yordam beradi.

Zaytun bargidagi ba'zi birikmalar tufayli asab hujayralarini himoya qiladi. Tadqiqotlar shuni ko'rsatadiki, zaytun bargi damlamasini iste'mol qilish miya kasalliklarining boshlanishini sekinlashtiradi va Altsgeymer va Parkinson kabi kasalliklarning paydo bo'lishini oldini oladi.

1. Yurakni himoyalaydi.

Muntazam ravishda iste'mol qilingan zaytun bargi damlamasi qon tomirlarining tiqilib qolishiga yo'l qo'ymaydi. Qon bosimini muvozanatlashtiradi va to'satdan qon bosimi ko’tarilishi kabi holatlarni oldini oladi. Shuningdek, u yurak xuruji xavfini kamaytiradi, chunki u qon oqimini tartibga soladi. U omega-3 yog’ kislotalari tufayli bu vazifalarni bajaradi.

Oziq moddalarga boy zaytun bargi, tarkibidagi E va C vitaminlari tufayli yurak-qon tomir sog'lig'iga ijobiy ta'sir ko'rsatadi. Tadqiqotlarga ko'ra, zaytun barglari tomirlar va yurak-qon tomir kasalliklarida blyashka paydo bo'lishini oldini oladi. Bundan tashqari, xolesterinni muvozanatlashtiradi.

1.  Insulin qarshiligida samarali

Zaytun bargi damlamasi insulin qarshiligini davolashda va vaznni nazorat qilishda ham qo'llaniladi. Bundan tashqari, qon shakarini normallashtirish hamda diabet uchun zaytun barglari damlamasi tavsiya etiladi.

1. Og'riq qoldiruvchi va mushaklarni bo'shashtiruvchi xususiyatga ega.

Zaytun bargi damlamasi mushak va bosh og'rig'i shikoyatlarida samaralidir.

1. Organizmdagi infektsiyaga qarshi kurashadi.

Yuqori nafas yo'llari va siydik yo'llari kasalliklarni davolashda qo'llaniladi. Suyaklarda paydo bo'lishi mumkin bo'lgan yallig'lanishni oldini oladi.

1. Ichak funksiyasini himoyalaydi.

Zaytun bargi damlanasi ichaklarga ham ta'sir ko’rsatadi. Ichaklar funksiyasini osonlashtiradi. Bundan tashqari, semirishni nazorat qilishda yordam beradi.

Qabziyatda oshqozonni yengillashtiradi. Antioksidant moddalar tufayli tanani toksinlardan tozalaydi. Ichaklarni bo'shashtirish bilan birga, to'yish hissini ham beradi.

1. Immunitet tizimini mustahkamlaydi.

E vitamini va antioksidant moddalarga boy zaytun bargi damlamasi immunitetni ko’taradi. Agar immuniteti zaif odamlar uni muntazam ravishda iste'mol qilsalar, bu kasallik xavfini kamaytiradi. Tana chidamliligini yuqori ushlab turish orqali odamni yanada baquvvat kunga tayyorlaydi.

Bundan tashqari, qon shakarini muvozanatlash va diabet uchun zaytun bargi choyi tavsiya etiladi.

Biroq, zaytun bargi damlamasini quyidagi holatlarda iste’mol qilish tavsiya etilmaydi.

• Yoshlar va 18 yoshgacha bo'lgan bolalarda qo'llanilmasligi kerak.
• Agar faol moddalarga sezuvchanlik (allergiya) bo'lsa, uni iste’mol qilmaslik kerak.
• Suyuqlik iste'moli cheklangan, buyrak yetishmovchiligi, yurak kasalliklari va boshqa hollarda qo'llanilmasligi kerak.
• Buyrak yetishmovchiligi yoki yurak kasalligi bo'lgan odamlar shifokor bilan maslahatlashmasdan foydalanmasliklari kerak.
• Homilador yoki emizikli ayollar uchun zaytun bargidan choy ichish tavsiya etilmaydi.
• Qon bosimi bo'lgan bemorlar shifokor ruxsatidan keyin ichishlari kerak.

      • Jarrohlik amaliyotidan keyin yoki surunkali dori-darmonlarni qo'llashda choy ichmaslik kerak.

      • Agar ko'ngil aynish yoki qichishqoq kabi juda kam uchraydigan nojo'ya ta'sirlarga duch kelsangiz, ichishni to'xtatishingiz tavsiya etiladi.

Zaytun bargi damlamasini qanday tayyorlash mumkin?

Zaytun barglarini dorivor o'simliklar sotiladigan do’konlardan xarid qilish mumkin. Yoki uni uyda o'zingiz quritishingiz ham mumkin. 2 stakan zaytun bargi damlamasi uchun 3 choy barg kukuni yetarli bo'ladi. Barglarni kukun holiga keltirib, qaynoq suvga solish va uni 10 daqiqa davomida qaynatish muhimdir. Keyin suzib olinadi va iste'mol qilinadi. Ta’sirini ko'rish uchun kuniga 3 stakan iste'mol qilish kifoya.

Zaytun bargi damlamasini necha kun ichish kerak?

Siz bu choyni kuniga 2-3 marta iste'mol qilishingiz mumkin. Ta'sirini yanada samarali ko'rish uchun uni kamida 2 oy davomida iste'mol qilish tavsiya etiladi. Zaytun barglari choyini ichayotganda och yoki to'q ekanligingiz haqida aniq fikr yo'q.

Bundan tashqari, nonushta yoki ovqatlar bilan birga iste'mol qilishingiz mumkin. Bundan tashqari, kun davomida ovqatlanish oralig'ida iste'mol qilish ham mumkin.

Dr. Mehmet Uchar tomondan tayyorlandi.