Chanoqqal'a dengiz g'alabasiga 109 yil to'ldi!

Bugun Chanoqqal'a dengiz g'alabasining 109 yilligi...

Birinchi jahon urushida 1915-yil 18-mart kuni Usmonlilar imperiyasining g‘alabasi bilan yakunlangan Chanoqqal’a dengiz g‘alabasi har yili g‘urur bilan nishonlanadi.

Shahidlarni xotirlash kuni va Chanoqqal’a dengiz g’alabasining 109 yilligi munosabati bilan tarixiy Gelibolu yarim orolida marosim uyushtirilmoqda.

Marosimda Prezident Rajab Tayyip Erdo'g'an ham ishtirok etmoqda.

Mamlakat xalqi ushbu kunda Chanoqqal’a shahidlari, ayniqsa Turkiya Respublikasining asoschisi Mustafo Kamol Otaturkni katta hurmat bilan yodga olishadi.

Bu yil 18-mart shahidlarni xotirlash kuni va Chanoqqal'adagi dengiz g'alabasining 109 yilligi munosabati bilan ilk marosim Jumhuriyat maydonida bo'lib o'tdi.

Marosimda Milliy Mudofaa vaziri Yashar Guler, harbiy xizmatchilar, faxriylar, siyosiy partiyalar vakillari va Avstraliya, Yangi Zelandiya va Britaniya missiyasi vakillari ishtirok etdi.

Otaturk yodgorligiga gulchambarlar qo'yildi.

So‘ngra “Chanakkale o‘tib bo‘lmas” yozuvi tushirilgan oltin medal Milliy Mudofaa vaziri Yashar Guler tomonidan Turkiya bayrog‘iga taqildi.

Sukut saqlashdan so‘ng Davlat madhiyasi jo'rligida Turk bayrog‘i ko‘tarildi.

Marosim Dardanel bo'g'oziga langar qo'yilgan "TCG Büyükada" korvetidan 21 ta artilleriya o'q otishi bilan yakunlandi.