Turkiya seldan jabrlangan Liviyaga yordam qo'lini uzatmoqda

Turkiya seldan zarar ko'rgan Liviyaga yordam qo'lini uzatdi.

Milliy Mudofaa Vazirligining xabar berishicha, Liviyaga qidiruv-qutqaruv guruhlari va gumanitar mahsulotlar ortilgan uchta yuk samolyotidan birinchisi poytaxt Anqaradan jo'nab ketgan.

Tabiiy ofat va Favqulodda Vaziyatlar Boshqaruvi (AFAD) rahbari Okay Memish 3 ta yuk samolyotida Liviyaga qidiruv-qutqaruv guruhi va jihozlarini yuborishini, parvozlar har 4 soatda bir tashkil etilishini ma'lum qildi.

"Turkiya, turk davlati va turk xalqi do’st va qardosh Liviya xalqiga yordam qo'lini uzatadi",-deydi u.

Mamlakat prezidenti Rajab Tayyip Erdo'g'an Liviyada sodir bo'lgan sel falokati tufayli ijtimoiy tarmoq orqali munosabat bildirdi.

"Turkiya Liviya xalqi bilan birga. AFAD boshqarmasi yetakchiligida 3 ta samolyot Bing'oziga parvoz qiladi",-deydi Turkiya prezidenti.

Liviya xalqiga hamdardlik bildirgan Erdo'g'an, “Birinchi bosqichda samolyotimizda 168 nafar xodim, 2 ta qidiruv-qutqaruv mashinasi, 2 ta qutqaruvchi qayigʻi hamda 170 ta chodir, 600 ta koʻrpa-toʻshak, 400 ta oziq-ovqat va gigiyena posilkalari, 20 ta generator, 1000 ta yomgʻir yopinchig'i, 500 ta etik va 500 ta qo'l fonari o'rin olgan",-dedi.