Kosovo prezidenti Vjosa Osmani-Sadriu Turkiyaga tashrif buyuradi
Uchrashuv va muzokaralarda Turkiya-Kosovo munosabatlarining bugungi holati va istiqbollari muhokama qilinadi. Shuningdek, mintaqaviy va xalqaro o'zgarishlar haqida fikr almashiladi.
Bugun, 1-mart kuni Kosovo Respublikasi prezidenti Vjosa Osmani-Sadriu Turkiyaga tashrif buyuradi.
Ushbu tashrif Turkiya prezidenti Rajab Tayyip Erdo'g'anning taklifiga binoan amalga oshirilmoqda.
Bu haqda Prezident huzuridagi Axborot va kommunikatsiya departamenti xabar berdi.
Xabarga ko'ra, oliy martabali mehmon prezident saroyida Erdo'g'an tomonidan rasmiy marosim bilan kutib olinadi.
Marosimdan so'ng, yetakchilarning tor doiradagi uchrashuvi hamda delegatsiyalararo muzokaralar bo'lib o'tadi.
Uchrashuv va muzokaralarda Turkiya-Kosovo munosabatlarining bugungi holati va istiqbollari muhokama qilinadi. Shuningdek, mintaqaviy va xalqaro o'zgarishlar haqida fikr almashiladi.
Ushbu tashrif Kosova prezidentining Turkiyaga birinchi rasmiy tashrifi hisoblanadi.
