Turkiya bilan AQSh operatsiya markazi ochish masalasida kelishib oldi

Prezident Rajap Tayyip Erdo'g'an, Suriyaning shimolida tinchlik yo’lagi tashkil etilishi uchun Amerika Qo’shma Shtatlari bilan birgalikda operatsiya markazining ochilishi haqida qaror qabul qilinganligini qayd etdi.

Prezident Erdo'g’an, Prezidentlik qarorgohida amaliy tashrif bilan kecha poytaxt Anqaraga tashrif buyurgan Ukraina Prezidenti Vladimir Zelenskiy bilan mushtarak matbuot anjumani uyushtirdi.

Mazkur anjumanda Suriya chegarasida qurilishi rejalashtirilgan xavfsiz hudud masalasiga to’xtalgan Prezident Erdo'g’an, amerikaliklar bilan birgalikda operatsiya markazi qurilishi masalasida qaror qabul qilinganligini, buning aslida Firot daryosining sharqida qurilishi kerakligini, markazning qurilishi orqali “hududdagi jarayon boshlatildi” hisoblanishini ma’lum qildi.