Turkiya, Rossiya va Eron liderlar sammiti Istanbulda o’tkazilmoqchi

Turkiya Respublikasi Tashqi ishlar vaziri Mevlut Chavusho’g’li Ostona muzokarasidagi kafil mamlakatlar sammitining 3-aprel kuni Turkiyada o’tkazilajagini ma’lum qildi.

Rossiya poytaxti Moskvada Rossiya Tashqi ishlar vaziri Sergey Lavrov bilan uchrashuv o’tkazgan Chavusho’g’li, uchrashuv oldidan,

“Bugungi uchrashuvimiz 3-aprel kuni poytaxt Anqarada o’tkaziladigan Oliy darajali hamkorlik kengashi yig’ilishiga tayyorgarlik ko’rish maqsadida uyushtirildi” dedi.

Turkiya-Rossiya Oliy darajali hamkorlik kengashiga Rossiya Davlat rahbari Vladimir Putin bilan Turkiya Respublikasi Prezidenti Rajap Tayyip Erdog’an rahbarlik qiladi.

Poytaxt Anqaradagi mazkur yig’ilish ortidan esa Istanbulda, Ostona muzokarasining kafil mamlakatlari hisoblangan Rossiya, Turkiya va Eron liderlari sammiti bo’lib o’tadi.