Jayxun Bayramov Turkiya diplomatiyasining muvaffaqiyatlari haqida gapirdi

Ozarbayjon Tashqi ishlar vaziri Jayxun Bayramov kecha Anqarada o'tkazilgan 13-Elchilar konferensiyasida ma'ruza qildi.

U o'z ma'ruzasida Turkiya diplomatiyasining muvaffaqiyatlari haqida gapirdi.

Bayramovning fikricha, Turkiyaning xalqaro aktyor sifatidagi roli kundan-kunga oshib bormoqda. Turk diplomatlari turli xalqaro platformalarda nafaqat oʻz davlatlarining manfaatlarini, balki Ozarbayjon manfaatlarini ham himoya qiladigan darajaga yetdi.

So'nggi 30 yil ichida xalqaro tizimda tez va jiddiy o'zgarishlar bo'lganini ta'kidlagan Bayramov, bu o'zgarishlarning barchasi haqiqatda xalqaro tizimdagi notinchlik va norozilikni ko'rsatayotganini ta'kidladi.

Turkiyaning xalqaro adolatni o'rnatish borasidagi faoliyati butun dunyoga o'rnak bo'lganini ta'kidlagan Bayramov, 500 yillik merosga ega bo'lgan turk diplomatiyasining muvaffaqiyatlari Turkiyaning xalqaro maydondagi rolini kundan-kunga oshirayotganini aytdi.

Turkiya dunyoning ko'p joylarida ishonchli vositachi sifatida muammolarni hal qilish uchun taklif qilinayotganini ta'kidlagan Bayramovning aytishicha, Turkiya Suriya, Liviya va Ukrainadagi inqirozlarda xalqaro huquq va insonparvarlik qadriyatlarini markazga qo'yganini, bu esa har doim Turk diplomatiyasining insoniyligini va adolat tarafdori ekanini ko'rsatadi.

Ozarbayjon Tashqi ishlar vaziri Turkiya Ozarbayjon o'z yerlarini arman ishg'olidan ozod qilganda unga ko'rsatgan siyosiy va diplomatik yordam bilan haqiqat, haq va adolat tarafdori bo'lgan davlat sifatida tarixda o'z o'rnini egallaganini bildirdi.