Turkmaniston Turk kengashi yig‘ilishida kuzatuvchi davlat sifatida ishtirok etdi

Turkmaniston birinchi marotaba Turk tilida so‘zlashuvchi davlatlar hamkorlik kengashi (Turk kengashi) yig‘ilishida kuzatuvchi davlat sifatida ishtirok etdi. Bu haqida Turkiya Tashqi ishlar vaziri Mevlut Chavusho‘g‘lu o‘zining Twitter sahifasida ma’lum qildi.

Ushbu ma’lumotga ko‘ra Turkmaniston Turk kengashi yig‘ilishida birinchi marotaba kuzatuvchi davlat sifatida ishtirok etar ekan vazir Chavusho‘g‘lu shu doirada turkmanistonlik kasbdoshi Rashid Meredov bilan uchrashgan.

Eslatib o‘tamiz Turk tilida so‘zlashuvchi davlatlar hamkorlik kengashi (Turk kengashi) tarkibidagi davlatlarning Tashqi ishlar vazirlari o‘rtasida uyushtirilgan navbatdagi yig‘ilish bugun, 11-noyabr kuni Turkiyaning Istanbul shahrida o‘z ishini boshladi.