Turk olamidan xabarlar 18-qism
Turkmanistonning poytaxti Ashxabod shahrida Turkiya va Turkmaniston o'rtasidagi munosabatlarning 25-yilligiga bag'ishlangan ilmiy konferentsiya bo'lib o'tdi.
Birinchi xabarimiz Turkmanistondan olingan.
Turkmanistonning poytaxti Ashxabod shahrida Turkiya va Turkmaniston o'rtasidagi munosabatlarning 25-yilligiga bag'ishlangan ilmiy konferentsiya bo'lib o'tdi. Ashxaboddagi Turkiya elchixonasi va Turkmaniston Tashqi ishlar vazirligi bilan hamkorlikda uyushtirilgan konferensiyada Turkiya-Turkmaniston aloqasining o'tmishi va bugungi kundagi vaziyati muhokama qilindi, shuningdek munosabatlarning istiqboli haqida maslahatlashildi.
Konferentsiya boshlanishidan avval, Turkiyaning Ashxaboddagi elchisi Mustafa Kapuju va Turkmaniston xalqaro aloqalar instituti rektori Baba Zahirovlar tomonidan ikki o'lkaning diplomatik aloqalarini tasvirlovchi fotosurat ko'rgazmasining ochilishi bo'lib o'tdi.
Ushbu konferentsiyada Turkiyadan ODTU universiteti xodimi Professor Oktay Tanrisever va Gazi universiteti xodimi Tumen Somuncuoglu, shuningdek Turkmaniston xalqaro aloqalar instituti xodimlari Altin Mahtumova va Kochmurat Atayevlar ma’ruza qildilar. Ma’ruzalarda turkman va turk xalqlari orasidagi qardoshlik va madaniyatlarning o'xshashligi alohida takidlab o'tildi. Qolaversa, Turkmanistondagi turk investorlar hamda Avaza turizm mintaqasining qurilishida turk shirkatlarining ro'liga yuqori baho bergan turkman ma'ruzachilar, TİKAning Turkmanistonda iqtisodiy, ta'lim- tarbiya va madaniyat sohasida ko'rsatgan faoliyatlarini taqdirladilar.
Konferentsiyaga Ashxaboddagi xorijiy elchixona vakillari, xaqlaro aloqalar institutining xodimlari va talabalari, shuningdek Turkmanistonda yashayotgan turklar va Ashxaboddagi Turk anadolu litseyi o'quvchilari tinglovchi qatorida qatnashdilar. Konferentsiyaning ochilish nutqini so'zlagan turk elchi Mustafa Kapuju, Turkmanistonning 1991 yil 16 dekabr kunidagi mustaqilligini tan olgan va ortidan 1992 yil 29 fevral kuni Turkmaniston bilan diplomatik aloqalarni yo’lga qo’ygan hamda Ashxabodda dastlabki elchixonani ochgan davlat Turkiya Respublikasi bo'lganligini eslatib o'tdi.
Tarixiy ipak yo'li madaniyat turizmi vositasida jonlantirilmoqchi bo'lib turibdi.
Turkiy Xalqlar Hamkorlik Jamiyati tomonidan tayyorlangan "Tarixiy ipak yo'lida madaniyat va tijorat turizmini
jonlantirish" uchun tayyorlangan turizm dasturi Turk Jamiyati Markazida ommaga tanitildi.
Turkiy xalqlar jamiyati bosh kotibi Ramil Hasanov, ushbu loyihani tayyorlash uchun 3 yil mobaynida ish olib borganliklarini alohida ta’kidlab o'tdi.
Bosh kotib Hasanovning aytishiga qaraganda, Turkiy xalqlar jamiyatiga a'zo bo'lgan Turkiya, Ozarbayjon, Qozog'iston va Qirg'iziston davlat rahbarlari ushbu loyihani qo'llab quvvatlaganlar. Shuningdek 3 yil davomida ushbu loyihani siyosiy jihatdan qo'llab quvvatlab, ushbu vaqt mobaynida 1 million turistni jalb qilishni maqsad qilganliklarini ham aytib o'tdi.
Tarixiy Ipak Yo'li loyihasi doirasida ko’plab loyihalar amalga oshirilganini aytgan Hasanov, quyidagilarni tilga oldi:"Turizm dasturi jamiyatga a'zo bo'lgan 4 davlatning birgalikda amalga oshirgan birinchi loyihasi bo'lib hisoblanadi. Ushbu loyiha asosida Yevropadan va Uzoq sharq davlatlaridan turistlarni jalb qilish ko'zda tutilgan. Ushbu turizm dasturi, sarguzashtlarga to'la bo'ladi deb o'ylaymiz",-dedi.
Madaniyat va tijorat turizmi sohasida ushbu mintaqalarda kamchilik borligini eslatib o'tgan bosh kotib Hasanov, Turkiya Bosh vazirligi va Turk havo yollarining moddiy yordamlari bilan amalga oshirilishi kutilayotgan ushbu loyiha orqali, tarixi bir bo'lgan qardosh davlatlar orasida ham ko'ngil ko'prigi qurishini alohida belgilab o'tdi.
Bosh kotibning aytishicha, dastlabki bosqichda jurnalistlar, turistik firma vakillari va tadqiqotchilarni jo'natish rejalashtirilmoqda.Bundan maqsad avvalo ularning talab va tanqidlarini nazarga olish. Buning natijasida turizm sayohati bilan aloqali kamchiliklarning bartaraf etishdir.
14 kun davom etadigan ushbu "Zamonaviy İpak Yo'li turizm sayohatida" quyidagi shaharlar bosib o'tiladi. Turkiyada Kayseri, Nevshehir, Konya va Istanbul; Ozarbayjonda Genje, Sheki, Shamahli va Baku; Qozog'istonda Alma-Ata, Chimkent, Turkiston, O'trar va Talas; Qirg'izistonda esa Bolasog'un, Norin, Cho'lponota, Issiq-Ko'l va Bishkek shaharlarini o'z ichiga oladi.
Navbatdagi xabarimiz Qozog’istondan olingan.
Qozog’iston kiril alifbosidan lotin alifbosiga o’tishga tayyorgarlik ko’rmoqda.
Mamlakat prezidenti Nursulton Nazarbayev Qozog’iston 2025 yilgacha to’liq lotin alfavitiga o’tish zarurligini aytdi.
Qozog‘iston Prezidenti Nursulton Nazarboyev yil oxiriga qadar lotin yozuviga asoslangan qozoq alfavitining yagona standart variantini qabul qilish vazifasini topshirdi. Bu haqda “Kelajakka nazar: jamoatchilik ongini modernizatsiya qilish” maqolasida so‘z boradi.
“Qozoq tilini lotin yozuviga bosqichma-bosqich o‘tkazish uchun ishlarni boshlash zarur. Biz juda ehtiyotkor va taktik ravishda mazkur masalaga yetib keldik. Bu yerda sokinlik va bosqichma-bosqichlik lozim. Va biz butun Mustaqillik yillarida ehtiyotkorlik bilan tayyorgarlik ko‘rdik”, — deyiladi maqolada.
Qozog‘istonda 1929 yildan 1940 yilgacha lotin alifbosidan foydalanilgan, shundan so‘ng kirill bilan almashtirilgan. “Qozoq tili alfavitining o‘zgartirilishi tarixi asosan aniq siyosiy sabablarga ko‘ra ta’riflanadi”, — deya ta’kidladi Qozog‘iston rahbari.
2012 yil dekabrida xalqqa “Qozog‘iston-2050” an’anaviy murojaatida Nursulton Nazarboyev: “Biz 2025 yildan o‘z alfavitimizni lotinchaga o‘tkazishimiz zarur”, — deb aytib o‘tgan edi.
“Shu vaqtdan biz barcha sohalarda lotin alfavitiga o‘tishni boshlashimiz lozim. Ya’ni, 2025 yilga qadar ish yuritish, davriy nashrlar, o‘quv darsliklari va boshqalarni lotinchada nashr etishimiz lozim. Hozir esa lotin alfavitiga o‘tishni boshlashga tayyorgarlik ko‘rishga kirishamiz”, — deyiladi maqolada.
“2017 yil oxirigacha olimlar va keng jamoatchilik yordamida yangi grafikadagi qozoq alfavitining yagona standart variantini qabul qilish zarur. 2018 yildan yangi alfavitni o‘qitish uchun kadrlarni tayyorlash va o‘rta maktablar uchun o‘quv darsliklarini tayyorlash boshlanadi. Yaqin ikki yilda zarur tashkiliy va metodik ishlar amalga oshiriladi. Albatta, muayyan davrni o‘z ichiga olgan moslashish vaqtida kirilchada ham ish olib boriladi”, — deyiladi maqolada.
Eslatma: Yil oxiriga qadar Qozog‘istonda lotin yozuvidagi alifbo tasdiqlanib, 2018 yildan kadrlar va darsliklarni tayyorlash boshlanadi, lotin alifbosiga esa 2025 yilda o‘tiladi.
Aloqador xabarlar
Murat Nurtleu Olmaotada Jayhun Bayramov va Ararat Mirzoyan bilan uchrashdi
Murat Nurtleu Olmaotada Jayhun Bayramov va Ararat Mirzoyan bilan alohida - alohida uchrashdi.