O'zbekiston va Gazprom o'rtasida hamkorlik munosabatlari...

O'zbekiston bosh vaziri o'rinbosari G'ulomjon Ibrohimov 20 aprel kuni Moskvada "Gazprom" kompaniyasi boshqaruv raisi Aleksey Miller bilan uchrashuv o'tkazdi.

"Gazprom" matbuot xizmati ma’lumotlariga ko’ra, uchrashuv davomida tomonlar ikki tomonlama hamkorlik istiqbollariga yuqori baho berdilar. 

Ibrohimov va Miller 2017 yil aprelida O'zbekiston Prezidenti Shavkat Mirziyoyevning Rossiyaga tashrifi vaqtida imzolangan hujjatlarni amalga oshirishdagi birinchi navbatdagi qadamlarni muhokama qilishdi.  

Kun.uz da berilgan ma'lumotga ko'ra, tomonlar, jumladan, geologorazvedka va injiniring-innovatsion ishlar o'tkazish sohasida o'zaro hamkorlik masalalarini ko'rib chiqishdi.