Turkiya Yevropa chempionatiga mezbonlik qilish uchun UEFAga ariza topshirdi
Bu haqda Turkiya futbol federatsiyasi prezidenti Mehmet Buyukekshi ma'lum qildi.
Turkiya 2028 yoki 2032 yilda futbol bo‘yicha Yevropa chempionatiga mezbonlik qilish uchun UEFAga ariza topshirdi.
Bu haqda Turkiya futbol federatsiyasi prezidenti Mehmet Buyukekshi ma'lum qildi.
Uning ta’kidlashicha, 2028 va 2032 yillarda chempionatni o‘zida o‘tkazishni xohlagan mamlakatlar oldindan ariza tashlagan.
"Irlandiya, Shotlandiya, Uels va Angliya 2028 yil uchun qo'shma nomzodlik uchun ariza topshirgan. Biz yolg'iz ariza berdik. Italiya 2032 yil uchun yakka o'zi ariza topshirdi va biz yolg'iz hosting uchun ariza topshirdik. Bizning jahon miqyosida tanilgan muhim stadionlarimiz bor. Biz o'z shaharlarimizni tanladik, dastlabki tayyorgarlikni ko'rib bu haqda UEFAga xabar berdik. Endi boshqa mamlakatlar ariza topshira olmaydi. Muddati tugadi. Turkiya ikkalasida ham nomzodlik uchun murojaat qildi",-deydi Mehmet Buyukekshi.
Turkiya 2028 va 2032 yillarda bo‘ladigan chempionatga ariza tashlagan bo‘lsa, Angliya, Shimoliy Irlandiya, Irlandiya, Shotlandiya va Uels futbol federatsiyalari o‘z nomzodlarini 2028 yilga ko‘rsatgan. Italiya esa 2032 yildagi chempionatga mezbonlik qilish rejasini ma’lum qilgan.
2023 yil 12 aprel ariza topshirishning oxirgi kuni deb belgilandi.
2028 va 2032 yillarda bo‘ladigan Yevropa chempionati sohiblari kelasi yil kuzda e’lon qilinadi.
