Qora dengizdagi gaz zaxiralari 45 yilga yetadi
Turkiya Qora dengizdan gaz qazib olish va uni tashishga qariyb o‘n milliard dollar sarflashni rejalashtirgan.
Qora dengizdagi gaz zaxiralari 45 yilga yetadi.
Bu haqda Turkiya Adolat va taraqqiyot partiyasi rahbari o‘rinbosari, sobiq bosh vazir Binali Yildirim ma'lum qildi.
"Hozirda Qora dengizdagi gaz zaxiralari miqdori 540 milliard kub metr deb baholanmoqda. Bu faqat boshlanishi, yana davom etadi. Qora dengiz dunyodagi gazga bo‘lgan ehtiyojni 45 yil davomida qoplay oladi", — dedi u.
O‘z navbatida, Turkiya energetika va tabiiy resurslar vaziri Fotih Do‘nmaz OAVga bergan intervyusida mamlakat 2023 yil boshlarida mazkur konlardan foydalanishni boshlashini aytdi.
Turkiya Qora dengizda yirik gaz zaxiralari topilganini 2020 yilda ma’lum qilgandi. Sakarya konidagi gaz miqdori 400 milliard kub metrdan ortiqroq ekanligi aytilgan.
Ma’lum qilinishicha, Turkiya Qora dengizdan gaz qazib olish va uni tashishga qariyb o‘n milliard dollar sarflashni rejalashtirgan.
Aloqador xabarlar
Turkiya may oyida eksport bo'yicha rekordni yangiladi
Savdo vaziri O'mer Bolat Istanbulda may oyi tashqi savdo ko'rsatgichlarini e'lon qildi.
