Rossiya Moliya vazirligi xorijiy banklar toʻlovini rublda amalga oshirganini maʼlum qildi

Rossiya Moliya vazirligi 643 million dollarlik obligatsiya toʻlovi xorijiy banklar tomonidan rad etilgani, shuning uchun u toʻlovni rublda amalga oshirganini maʼlum qildi.

Vazirlik tomonidan qilingan yozma bayonotda, to'lanishi lozim bo'lgan obligatsiya to'lovini dollarda to'lash buyrug'i berilgani, ammo xorijiy banklarning bu buyruqni bajarishdan bosh tortgani bildirildi.Bayonotda xorijiy valyutada to‘lovlarni amalga oshirish imkoni bo‘lmagani uchun zarur to‘lovlar rublda amalga oshirilgani va Rossiya o‘z majburiyatini bajargani qayd etilgan.

Rossiyaning 300 milliard dollarlik xalqaro zahiralari muzlatilganligi sababli, obligatsiyalardan kelib chiqadigan tashqi qarzni to'lash jarayoni natijasida defolt yuzaga kelishi ehtimoli xavotir uyg'otmoqda.