Rossiyada "The Wall Street Journal" gazetasi muxbiri hibsga olindi
Rossiya Tashqi ishlar vazirligi matbuot kotibi Mariya Zaharova, AQSh fuqarosining Yekaterinburgda qilgan ishining jurnalistikaga hech qanday aloqasi yoʻqligini aytdi.
Rossiya Federal xavfsizlik xizmati tomonidan Yekaterinburgda josuslikda ayblanib hibsga olingan Amerikaning The Wall Street Journal gazetasining Moskvadagi muxbiri hibsga olindi.
Rossiya axborot agentliklari xabariga ko‘ra, Moskva Lefortovskiy sudida yopiq eshiklar ortida bo‘lib o‘tgan sud majlisida sudya The Wall Street Journal gazetasining Moskvadagi ofisida muxbir bo‘lib ishlagan Evan Gershkovichni 29-maygacha hibsda saqlashni buyurgan.
Rossiya Tashqi ishlar vazirligi matbuot kotibi Mariya Zaharova, AQSh fuqarosining Yekaterinburgda qilgan ishining jurnalistikaga hech qanday aloqasi yoʻqligini aytdi.
"Afsuski, xorijliklar mamlakatimizda "xorijiy muxbir" maqomi, jurnalist vizasi va akkreditatsiyadan jurnalistik boʻlmagan faoliyatini yashirish uchun foydalanayotgani birinchi marta emas. Bu qoʻlga olingan birinchi maʼlum Gʻarblik emas",-deydi u.
Rossiya Federal xavfsizlik xizmati bayonotida aytilishicha, Gershkovich Amerika hukumati uchun josuslikda ayblanib hibsga olingan.
