Yaponiyaning sobiq bosh vaziri Abe Sindzo uyushtirilgan qurolli hujum oqibatida halok bo‘ldi

Yaponiyaning sobiq bosh vaziri Abe Sindzo Nara shahrida uyushtirilgan qurolli hujum oqibatida halok bo‘ldi.

Yaponiya davlat televideniyesi NHK telekanali xabariga ko‘ra, shaharda Liberal-demokratik partiya nomzodining saylov kampaniyasini qo‘llab-quvvatlagan nutq so‘zlayotganda ko‘kragiga o‘q uzilgan Abe olib ketilgan shifoxonada vafot etdi.

Hujumni qo'lda yasalgan ikki nayli qurol bilan amalga oshirgani aytilgan 41 yoshli hujumchi Yamagami Tetsuyaning sobiq dengizda o'zini o'zi mudofaa qilish kuchlari a'zosi bo'lgani qayd etildi.

Bosh vazir Kishida Fumio, Shinzoga uyushtirilgan hujum bilan bog'liq holda, "Demokratiyaning asosi bo'lgan saylovlar oldidan sodir bo'lgan bu vahshiy hujumni qabul qilib bo'lmaydi. Hujumni eng kuchli tarzda qoralayman" dedi. Uning so‘zlariga ko‘ra, hozircha hujum motivlari haqida ma’lumot yo‘q.

Muxolifat partiyalari o'z mitinglarini keyinga qoldirganini e'lon qildi.

2012-2020-yillarda bosh vazir lavozimida ishlagan Abe mamlakatning eng uzoq muddat boshqargan bosh vaziriga aylandi.

Abe ikki yil avval sog‘lig‘i sababli lavozimni tark etgan edi.

Yaponiya saylovchilari 10 iyul kuni Maslahat kengashiga (Sangiin) navbatdagi saylovlar uchun saylov uchastkalariga boradilar.