Ukraina Rossiya bosqiniga qarshi qurol va harbiy tayyorgarlik bilan ta'minlanadi

Britaniya Mudofaa vaziri Ben Uolles Ukrainani Rossiya bosqiniga qarshi ko'proq mudofaa qurollari va harbiy tayyorgarlik bilan ta'minlashlarini aytdi.

Uolles parlamentdagi nutqida Rossiyaning Ukraina chegarasidagi kuchining kattaligidan "haqiqiy xavotir" borligini aytdi.

U Rossiyaning tayyorgarlik darajasi eng yaxshi holatda beqarorlashtiruvchi atmosferaga, eng yomoni esa  to’qnashuvga  olib kelishi mumkinligidan ogohlantirdi va "Moskvaning tobora tahdidli xatti-harakatlari nuqtai nazaridan" Ukrainaga yangi yordam ko'rsatilishini qo'shimcha qildi.

Uolles,

"Biz Ukrainaga engil tankga qarshi mudofaa qurollari tizimlarini yetkazib berishga qaror qildik. Kichik miqdordagi Britaniyalik xodimlar Buyuk Britaniyaga qaytishdan oldin "Orbital" operatsiyasi doirasida qisqa muddatga dastlabki bosqich mashg'ulotlarini o'tkazadilar". dedi.

Uollesning aytishicha, Ukraina o'z chegaralarini himoya qilish huquqiga ega va bu yangi yordam paketi bu boradagi imkoniyatlarini yanada oshiradi.

"Toʻgʻrisini aytganda, bu qoʻllab-quvvatlash qisqa masofaga moʻljallangan va aniq mudofaa qurollarini oʻz ichiga oladi. Bular strategik qurollar emas va Rossiya uchun xavf tugʻdirmaydi, ular oʻzini himoya qilish uchun qoʻllaniladi". u aytdi.

Britaniya mudofaa vazirining taʼkidlashicha, agar Rossiya Ukrainada “beqarorlashtiruvchi chora” koʻrsa, bu “xalqaro sanksiyalar paketi kuchga kirishga tayyor”.

Har qanday qoidabuzarlik "bosqin" sifatida ko'rilishini ta'kidlagan Uolles,

"Men bu har ikki tomonning katta qurbonlariga olib kelishi mumkinligidan qo'rqaman." Deb  o‘z bahosini berdi.

Moskva bilan hozirgi munosabatlarning qiyin ekanini qayd etgan Uolles, orzu qilingan munosabatlarning bunday emasligini bildirdi.

"Men hali ham diplomatiya g'alaba qozonishidan umidvorman. Diplomatiya va muloqot yoki mojaro va uning oqibatlarini tanlash Prezident (Vladimir) Putinga bog'liq". u aytdi.

Buyuk Britaniya mudofaa vaziri Rossiyalik hamkasbi Sergey Shoyguni “o‘zaro xavfsizlikka oid masalalarni muhokama qilish” uchun Londonga taklif qildi.