Zelenskiy xorijiy qo‘shinlarning mashg‘ulotlarda ishtirok etishi uchun qonun loyihasini taqdim etdi

Ukraina prezidenti Vladimir Zelenskiy Oliy Radaga 2022-yilda xorijiy qo‘shinlarning xalqaro mashg‘ulotlarda ishtirok etishi uchun mamlakatga kirishiga ruxsat berish to‘g‘risidagi qonun loyihasini (parlament) taqdim etdi.

Sputnik xabariga koʻra, qonun loyihasi “Ukraina prezidentining 2022-yilda koʻpmillatli oʻquv mashgʻulotlarida ishtirok etish uchun boshqa davlatlar harbiy qismlariga mamlakat hududiga kirishiga ruxsat berish toʻgʻrisidagi qarorini tasdiqlash toʻgʻrisidagi qonun loyihasi” deb nomlanadi.

Ukraina qonunlariga ko'ra, mamlakatda qonun bilan belgilanmagan barcha harbiy tuzilmalar faoliyati taqiqlangan. Mamlakatda xorijiy harbiy bazalar tashkil etish ham noqonuniy bo‘lgani uchun xorijlik harbiylar mamlakatga faqat prezident tomonidan Radaga taqdim etilgan maxsus takliflar bilan kirishlari mumkin.

Xorijiy askarlarga 2021-yilda Ukrainadagi xalqaro harbiy mashg‘ulotlarda ishtirok etishi uchun 2020-yilda maxsus ruxsatnoma berildi.