Rossiya AQSh tomonidan Turkiyaga berilgan sanksiyaga munosabat bildirdi
“AQSh Turkiyaga sanksiya qo’llash bilan xalqaro huquqni mensimaganligini namoyon qildi”,-dedi Rossiya tashqi ishlar vaziri Sergey Lavrov.
Rossiya AQSh tomonidan Turkiyaga nisbatan joriy etilgan sanksiyaga munosabat bildirdi.
“AQSh Turkiyaga sanksiya qo’llash bilan xalqaro huquqni mensimaganligini namoyon qildi”,-dedi Rossiya tashqi ishlar vaziri Sergey Lavrov.
Lavrov bu so’zlarni Bosniya-Gersegovinaga tashrifi chog’ida o’tkazilgan matbuot anjumanida tilga oldi.
AQSh sanksiyalarni qo’pol ravishda qo’llayotganiga e’tibor qaratgan Lavrov shunday dedi:
“AQSh Turkiyaga sanksiya qo’llagan holda xalqaro huquqni mensimasligini ko’rsatdi. Albatta, bu harakat nafaqat ikki davlat o’rtasidagi harbiy-texnikaviy hamkorlikka, balki xalqaro maydonda mas’ul davlatlardan biri AQShga bo’lgan ishonchga putur yetkazadi”,-dedi.
Ta’kidlash joizki, AQSh Rossiyadan S-400 zenit raketa majmualarini xarid qilganligi sababli Turkiyaga sanksiya berishga qaror qilgandi.
