Londondagi portlash metroning "Parsons Green" bekatida sodir bo'lgan

Buyuk Britaniya poytaxti Londondagi metro bekatida portlash yuz berdi.

Voqea yuz bergan nuqtaga ko’plab tez yordam mashinasi yuborildi.

Britaniya matbuoti tarqatgan ma’lumotga ko’ra shaharning g’arbiy qismida joylashgan "Parsons Green" metro bekatida portlash sodir bo’lgan va ortidan yong’in falokati kelib chiqgan.

Ijtimoiy axborot vositalarida tarqagan ma’lumotga ko’ra esa, poyezd ortidagi bitta oq quti portlagan va poyezddan tushganlarning yuzlari ana shu portlash ta’sirida yonib ketgan vaziyatda.

Hozirda poyezddagi tumanning ko’tarilishi tufayli bekat boshatilib, voqea yuz bergan liniya safarlari bekor qilindi.

London metrosidan bir kunda o’rtacha 5 million kishi foydalanmoqda.