«مالازگىرت زەپىرى» مۇناسىۋىتى بىلەن مەخسۇس ۋىدېيو ئىشلەندى
جۇمھۇر رەئىسلىك سارىيى ئۇچۇر – ئالاقە ئىشلىرى باشقارمىسى تەرىپىدىن «‹مالازگىرت زەپىرى› نىڭ 949 - يىللىقى» مۇناسىۋىتى بىلەن «قىزىل ئالما» مارشى ئورۇن ئالغان مەخسۇس ۋىدېيو ئىشلەندى.
تۈركىيە ئاۋازى رادىيوسى خەۋىرى: جۇمھۇر رەئىسلىك سارىيى ئۇچۇر - ئالاقە ئىشلىرى باشقارمىسىنىڭ باشلىقى فاھرەتتىن ئالتۇن، ئاممىۋى ئورتاقلىشىش تور بېتى Twitter سەھىپىسىدە بۇ ھەقتە ئېلان قىلغان باياناتىدا مۇنداق دېدى: «بىزگە نىسبەتەن‹قىزىل ئالما› قۇدرەتلىك ۋە بۈيۈك تۈركىيەنىڭ سىمۋولىدۇر. مالازگىرتتىن تارتىپ 15 – ئىيۇلغىچە مىسلىسىز داستانلارنى يازغان ئەزىز خەلقىمىزنىڭ قۇتلۇق ئۇزۇن سەپىرىدۇر. ‹قىزىل ئالما› سايىسىدا قانچىلىغان مەزلۇملار سايدىغان مۇقەددەس چىناردۇر. جەبىلتارىقتىن ھىجازغىچە، بالقان رايونىدىن ئاسىياغىچە پۈتكۈل ئىنسانىيەتنىڭ ئارزۇ – ئارمانىدۇر.
«قىزىل ئالما» ۋىدېيوسى، 1071 – يىلقى «مالازگىرت زەپىرى» دىن ئوسمانلى ئىمپېرىيەسىنىڭ قۇرۇلۇشىغىچە، ئىستانبۇلنىڭ پەتھى قىلىنىشىدىن چاناققەلئە ۋە مۇستەقىللىق ئۇرۇشلىرىغىچە، 15 – ئىيۇل داستانىدىن ھازىرغا قەدەر، ئوخشاش روھتىن ئۇزۇقلانغان ئاساسلارنى مەزمۇن قىلىدۇ.
ۋىدېيودىن، جۇمھۇر رەئىس رەجەپ تاييىپ ئەردوغاننىڭ «فەتىھ سۈرىسى» نىڭ تۇنجى ئايتىنى ئوقۇشىمۇ ئورۇن ئالدى.
مۇناسىۋەتلىك خەۋەرلەر
پۇتىن تىنچلىق سۆھبىتىنىڭ شەرتلىرىنى ئېلان قىلدى
رۇسىيە پىرېزىدېنتى ۋلادىمىر پۇتىن ئۇكرائىنا بىلەن تىنچلىق سۆھبىتى ئۆتكۈزۈش شەرتلىرىنى ئېلان قىلدى.