ichki polu

türkiye awazi radiyosi: türk taamliri arisidiki asasliq yémeklerdin biri poludur. bolupmu gürüch bilen étilidighan polu, osmanli impériyesi dewridin  tartip ta hazirghiche hemishe dastixanlarning bash taji bolup keldi. gürüch osmanli impériyesining ashxanisigha xitaydin kirgen bolsiu, lékin kéyinche türi we étish usuli shunchilik tereqqiy qilghanki, gürüch bilen étilidighan yémekler, bolupmu polu osmanli impériyesi ashxanisining asasliq yémekliri qataridin orun alghan. osmanli impériyesi polulirini bunchilik özige xas alahidilikke ige qilghan amil, eslide ichige qétilidighan matériyallarning serxilliqidur. mesilen, osmanli impériyesi ashxanilirida, gösh, béliq, déngiz mehsulatliri, purchaq we köktatlar bilen étilidighan polularning türi nahayiti köp idi. nöwette bularning köpinchisi untulup kétilgen bolsimu, lékin bir qismi hazirmu türk ashxanilirining töridin orun élip kelmekte. bu polulardin biri «ichki polu» dur.         

 bügünki pirogrammimizda, türk ashxanilirining töridin orun alghan «ichki polu» étish usuli heqqide melumat bérimiz.

«ichki polu» étish üchün kéreklik bolghan matériyallar töwendikiche:

• 150 giram paqlan jigiri
• 1 yérim istakan gürüch
• ikki dane ushshaq toghralghan piyaz
• ikki qoshuq xasing
• ikki yérim qoshuq quruq üzüm
• yérim qoshuq piménta
• yérim qoshuq darchin
• yérim qoshuq qarimuch
• 4 qoshuq sériq may
• ikki yérim qoshuq qaynaq su
• üch dane inchike toghralghan yumsaqsüt
• tuz

«ichki polu» étish usuli töwendikiche:

• aldi bilen, gürüchni bir qachigha qoyung, andin üstini yapquchilik qaynaq su we tuz ilawe qilip, 30 minut turghuzung.
• soghuq suda birqanche qétim yughandin kéyin, süzülüshini kütüng.
• bu ariliqta, jigerni kichik shéker sheklide toghrang.
• quruq üzümni yumshishi üchün yérim saet suda turghuzung.
• ikki qoshuq sériq mayni bir qazanda ériting.
• xasingni renggi taki hal rengge özgergenge qeder qorung, piyazlarni ilawe qilip, qorushni dawamlashturung.
• piyazlar yumshashqa bashlighan chaghda, jigerni ilawe qiling.
• hemmisini otturihal otta yene 3 – 4 minut pishurung.
• qazangha ikki yérim istakan qaynaq su we qalghan sériq mayni ilawe qiling.
• su qaynighan chaghda süzülgen gürüch, tuz, qarimuch, piménta, darchin we qurum üzümni ilawe qilip, qazanning tuwiqini yéping.
• awal yuqiri sewiyelik otta, su qaynighandin kéyin bolsa, töwen sewiyelik otta taki su gürüchke singgenge qeder pishurung.
• qazanni uchaqtin alghandin kéyin tuwiqi yépiq halette 15 – 20 minuttek dem yatquzung. yaghach chömüch bilen poluni maltilang, andin üstige inchike toghralghan yumghaqsüt sépip, istémal qilsingiz bolidu.