zeytun yéghiliq yapraq sarmisi

türkiye awazi radiyosi: gürüch we piyazning dora-dermanlar bilen lezzetlendürülüp, asma üzüm yapraqliri bilen tügülüshi arqiliq étilidighan «zeytun yéghiliq yapraq sarmisi» ni ottura sherq we sherqiy aqdéngiz rayonlirida dégüdek uchratqili bolidu. herbir milletning yémek - ichmek medeniyiti perqliq bolghachqa, étish usulida anche – munche perqler bar bolsimu, isimliri oxshimisimu asasiy jehettin oxshash taamdur. «zeytun yéghiliq yapraq sarmisi» türkiyede meze yaki qoshumche taam süpitide istémal qilinidu. uni chay bilen birlikte, hetta nashtiliq dastixanliridimu uchritalaysiz. göshsiz pishurulidighan bolghachqa, graxamistlar bilen  göshsiz tamaq yégüchilerningmu istémal qilishigha bab kélidu.

 bügünki pirogrammimizda, «zeytun yéghiliq yapraq sarmisi» étish usuli heqqide melumat bérimiz.

«zeytun yéghiliq yapraq sarmisi» étish üchün kéreklik bolghan matériyallar töwendikiche:

• 300 giram asma üzüm yapriqi
• bir dane limon
• 4 qoshuq zeytun yéghi
• bir istakan qaynaq su

ichki qismi üchün؛

• yérim istakan zeytun yéghi
• üch dane ushshaq toghralghan piyaz
• bir yérim istakan gürüch
• bir istakan qaynaq su
• bir qoshuq qarighay uruqi
• bir qoshuq quruq üzüm
• bir chay qoshuqi tuz
• bir chay qoshuqi qarimuch
• bir chay qoshuqi pinne
• bir chay qoshuqi piménta
• yérim chay qoshuqi qowzaq darchin

«zeytun yéghiliq yapraq sarmisi» étish usuli töwendikiche:

• aldi bilen, asma üzüm yapraqlirini, tuzining kétishi üchün qaynaq su bilen toshquzulghan bir qachida besh minuttek qoyung. andin tuzini terk etken yapraqlarni sudin chiqirip, sughuq suda chayqap, artuq süyini süzüng.
• bu ariliqta, sarmining ichini teyyarlash üchün؛ yérim istakan zeytun yéghini bir qazangha sélip, piyaz we qarighay uruqi bilen qoshup qorung.
• gürüchlerni taki kiraxmali ketkenge qeder yuyung.
• piyazlar qorulghandin kéyin gürüchni ilawe qiling we qorushni dawamlashturung. arqidin nöwet bilen quruq üzüm, pinne, tuz we qarimuchlarni ilawe qilip, arilaturung.
• bir istakan su ilawe qilip, gürüchlerni tirik halette pishurung.
• gürüch pishqandin kéyin taki illiq haletke kelgenge qeder kütüng. andin ichige qowzaq darchin we piméntani ilawe qilip, arilashturung we illiq halgha kélishini kütüng.

emdi nöwet yapraqlarni toldurushqa keldi؛

• yapraqni bir - birlep qolingizgha élip, tomurluq qismi üsti terepte turidighan shekilde tekshi yerge yéying.
• zédilimestin ittik bir pichaq bilen sap qismini késing.
• yapraqlarning ottura qismigha bir tatliq qoshuqi gürüch arilashmisini qoyung.
• yapraqning chette qalghan qisimlirini otturisidin tügüng.
• sarma qazinining tégini birqanche asma üzüm yapriqi bilen yéping.
• sarmilarni qatar – qatar qilip tizing.
• limonni halqa shekillik qilip tilghandin kéyin, sarmilarning üstige orunlashturung.
• pishish esnasida échilip ketmesliki üchün؛ üstini tekshi bir texse bilen yéping.
• bir yérim istakan qaynaq su bilen ikki qoshuq zeytun yéghini ilawe qilghandin kéyin, sarmilarni töwen sewiyediki otta 35 minuttek pishurung.
• taamni illiq yaki sughuq halete istémal qilsingiz bolidu.