ereb rayonining tereqqiyat nishanigha yétishi üchün nurghun mebleghge éhtiyaji bar

türkiye awazi radiyosi xewiri: merkizi liwandiki rayonluq ammiwi teshkilati bolghan ereb muhit asrash we tereqqiyat fondi teripidin, liwanning paytexti béyrutta ötküzülgen konféransqa sunulghan doklatta, ereb rayonining sijil tereqqiyat nishanigha yétishi üchün her yili 230 milyard dollargha éhtiyaji barliqi, rayonda 2011 yildin buyan yüz bériwatqan urushlar we toqunushlar sewebidin kélip chiqqan iqtisadiy ziyanning 900 milyard dollargha yetkenliki eskertildi.

rayon döletliridiki chiriklik qilmishliriningmu her yili 100 milyard dollarliq iqtisadiy ziyanni keltürüp chiqiriwatliqi qeyt qilinghan doklatta, ereb rayonida döletlik we xususiy yardem menbelirining aziyip ketkenliki tekitlendi.

yene bir tereptin, konféransta liwanning sabiq bash ministiri fuad sinyora, ereb dunyasida sistémiliq weyranchiliqning barliqini eskertti, shunga, bu weyranchiliqlargha xatime bérilip,  ereb dunyasining énérgiye, tebiiy we iqtisadiy bayliqliridin paydilanghili bolidighan  basquchni ishqa kirishtürüshning zörürlüki toghruluq chaqiriqta boldi.

igilinishiche, héchqandaq menpeetni chiqish nuqta qilmaydighan ammiwi teshkilat bolghan ereb muhit asrash we tereqqiyat fondi, ereb dunyasida muhit asrash siyasetlirining yolgha qoyulushi we buninggha munasiwetlik pirogrammilarning ishqa kirshtürülüshi meqsitide ammiwi teshkilatlar we soda - sanaetchiler bilen mutexessisler we akadémiklarni bir yerge jem qilidiken.