jumhur reis erdoghan seudi erebistan padishahi bilen téléfonda körüshti
jumhur reis rejep tayyip erdoghan seudi erebistan padishahi selman bin abduleziz bilen téléfonda körüshti.
türkiye awazi radiyosi xewiri: jumhur reislik sariyi menbelirining bildürüshiche, tünügün kechte ishqa ashurulghan téléfon söhbitide, yoqap ketken seudi erebistanliq zhurnalist jamal qashiqchi mesilisi muzakire qilinghan.
ikki rehber, jamal qashiqchining aqiwitini éniqlap chiqish meqsitide bashlanghan tekshürüshning muweppeqiyetlik tamamlinishi üchün, her ikki döletning zich hemkarlishishni dawamlashturushining nahayiti zor ehmiyetke ige ikenlikini tekitleshken.
uchrishishta yene, ikki rehber türkiye we seudi erebistanda dawamlishiwatqan tekshürüshlerning tereqqiyati heqqide özara pikir almashturghan.
jumhur reis rejep tayyip erdoghan bilen seudi erebistan padishahi selman bin abduleziz bu heqte ötken yekshenbe küni kechtimu téléfonda körüshkenidi.
