nato: türkiye muhim ittipaqdishimizdur
shimaliy atlantik ehdi teshkilati bash katipi stolténbérg türkiyening nato ning muhim ittipaqdishi ikenlikini éytti.
türkiye awazi radiyosi xewiri: stolténbérg amérika qoshma ishtatlirining washingtonda shehiride bir tetqiqat merkizi teripidin chaqirilghan «21 – esirde shimaliy atlantik ehdi teshkilatining ehmiyiti» namliq yighinda qilghan sözide, türkiyening rusiyedin «400 - s» bashqurulidighan bomba hawa mudapiesi sistémisi élish qarari toghruluq toxtilip mundaq dédi: «herbiy iqtidarini tereqqiy qildurush herqaysi döletlerning milliy qararidur. shimaliy atlantik ehdi teshkilatigha nisbeten muhim bolghini, oxshimighan sistémislardin ortaq bir shekilde paydilinishtur.»
türkiyening jughrapiyelik jeylishish ornining nahayiti muhimliqini we shimaliy atlantik ehdi teshkilatining muhim ittipaqdishi ikenlikini eskertken stolténbérg, mundaq dep körsetti: «xeritige nezer tashlaydighan bolsaq, türkiyening qanchiliq derijide chong hem muhim dölet ikenlikini körimiz, iraq we süriye bilen qoshna bolghan türkiyening térrorluq teshkilati daéshqa qarshi küreshtiki ehmiyitini chüshinip yételeymiz. türkiye süriyelik musapirlar mesiliside nahayiti sezgür xizmetlerni ishlimekte. jümlidin türkiye musalirpar kirizisi mesilisidimu nato ning muhim ittipaqdishidur. türkiye milyonlarche süriyelikni baghrigha basmaqta. ege déngizidin tertipsiz shekildiki köchmenler éqinigha taqabil turush üchün yawropa ittipaqi we türkiye otturisidiki kélishimning ijra qilinishi nahayiti muhimdur. türkiye sélishturushqa bolmaydighan derijide térrorluq hujumlirigha duch kéliwatqan ittipaqdishimizdur. <400 – s> bashqurulidighan bomba hawa mudapiesi sistémisi we < F-35> tipliq ayropilanlar mesiliside ixtilap hem qiyinchiliq bar. bu heqte diyalog ötküzülüshidin intayin xursaenmen. shuni alahide tekitlep ötimenki, türkiyening roli barliq ittipaqdashlargha nisbeten nahayiti zor ehmiyetke ige.»
