donald tramp özi heqqide yézilghan kitabqa naraziliq bildürdi

türkiye awazi radiyosi xewiri: amérika pirézidénti donald tramp ijtimaiy taratqu hésabi twittérda hembehirleshken uchurida, bügün bazargha sélinishi kütülüwatqan we asasliq köp qismi metbuatlarda xewer qilinghan «qorqunch؛ aqsarayda tramp» namliq kitab üstide toxtaldi.

donald tramp: «wudwardning kitabi tolimu tutruqsiz. manga qilinghan hujumlarning peqetla birsi, hujum yamghuri» dédi.

donald tramp twittérdiki uchurida, «ismi namelum, mexpiy kishilerni menbe körsitidu. kitabda tilgha élinghan nurghunlighan kishiler özlirige tewe ikenliki ilgiri sürülgen sözlerning hemmisining yalghanliqini bildürüshmekte. démokratchilar yéngilgenliklirini singdürelmeywatqan bolsa kérek. heqiqiy kitabni mana men yazimen» dégen ibarilerni ishletti.

kitabning yazghuchisi bob wudwardmu amérikining «NBC News» qanilining pirogrammisigha téléfon bilen qétilip, kitabda déyilgen sözlerning hemmsige mesul ikenlikini éytti.

wudward kitabta tilgha élinghan amérika dölet mudapie ministiri jim mattis bilen trampning alahide mudiriyet ishxanisi bashliqi jon kélliyning trampqa haqaret qilghanliqigha dair sözlerge adaqqiche ige ikenlikini tekitlidi.

wudward mattis bilen kéliyning bu sözlerni ret qiliwatqanliqi üstidimu toxtilip: «heqiqetni sözlimeywatidu. bular siyasiy muamile qilish arqiliq xizmetlirini qoghdap qilishning koyida. shunga ret qilishlirini chüshinishke bolidu» dédi. 

wudward kitabida, jim mattisning trampqa qaritip: «koréye yérim arilida bolghan ishlarni chüshinish sewiyesi bashlanghuch mektep sewiyeside» dégenlikini, kélliyningmu tramp heqqide: «exmeq» dégenlikini we bashqurush usulini bolsa, «telwe sheher» dep teripligenlikini ilgiri sürgen idi.