yaponiyede yüz bergen yer tewreshte ölgenlerning sani köpeydi
yaponiyening shimalidiki xokkaydu arilida 6 – séntebir küni meydangha kelgen 6.7 bal chongluqtiki yer tewreshte hayatidin ayrilghanlarning sani 30 gha yetti.
türkiye awazi radiyosi xewiri: xokkaydo yerlik hökümitining bildürüshiche, ormanliqta köp sanda yer köchüshni keltürüp chiqarghan yer tewreshte hayatidin ayrilghanlarning sani 30 gha yetken, iz - déreksiz yoqap ketken 9 kishi hazirghiche tépilmighan bolup, tupraq astida qalghan dep qariliwatqan kishilerni izdesh - qutquzush paaliyetliri dawamlashmaqta iken.
melumatlargha qarighanda, 3 kishidin bashqilarning hemmisi yer köchüsh apetliri ormanliqtin teshkil tapqan égizliklerge ziyan yetküzgen olturaq rayonlirigha jaylashqan atsuma yézisi etrapida yüz bergen yer tewreshte qaza qilghan bolup, 5.4 milyon nopusluq araldiki ahalining texminen yérimini tok bilen teminlesh xizmiti bashlanghan, taqalghan xelqaraliq ayrodurum qaytidin échilghan.
motor ishlepchiqirishning köp qismini bu yerdiki zawatlarda ishqa ashuridighan dunyagha dangliq «toyota» aptomobil guruhi, yer tewresh apiti sewebidin, motor ishlepchiqirishni waqitliq toxtatqanliqini uqturghan.
