23.03.2018
bu heptilik chet el metbuatliridin tallap teyyarlighan xewerlirimizning qisqiche mezmunliri töwendikiche:
türkiye awazi radiyosi: türkiye– amérika tor béti, muawin bash ministir bekir boztaghning «afrindiki térrorchilar amérika yardem qilghan qorallarni arqigha tashlap qoyghanche qéchip ketti» dégenlikini xewer qildi.
amérikining «AP» xewer agéntliqi, jumhur reis rejep tayyip erdoghanning rusiye pirézidénti wladimir putinning saylamdiki utuqini tebrikligenlikini xewer qildi.
qirimning «QHA» xewer agéntliqi, dunya bankisining türkiyege 45 milyon 450 ming yawro yardem qilidighanliqini xewer qildi.
rusiyening siputnik xewer tori, muawin bash ministir we hökümet bayanatchisi bekir boztaghning amérikigha jawab qayturup: «amérika afrinda yalghan, xata melumatlar bilen tetür pikir peyda qilishqa urunmaqta» dégenlikini xewer qildi.
amérikadiki türkiye- amérika tor béti, jumhur reislik bayanatchisi ibrahim kalinnning türkiye armiyesi teripidin afrinda élip bériliwatqan zeytun shéxi herikiti üstide toxtilip: «rusiye bilen maslashqanliq, bashqa ittipaqdashlirimizgha arqimizni qiliwalghanliqimiz bolmaydu» dégenlikini xewer qildi.
qirimning «QHA» xewer agéntliqi, yawropa ittipaqining tashqi sodidiki 5 - chong shérikining türkiye ikenlikini xewer qildi.
amérikining «CNN» xelqara xewer qanili, türkiyening sérbiyege 40 milyon dollar qerz béridighanliqini xewer qildi.
rusiyening radiyo we xewer tori supitnik, edirnede cheklengen herbiy rayonda tutulghandin kéyin, qolgha élinghan girétsiye armiyesige tewe 2 eskerning yénidin chiqqan barmaq diskida türkiyening herbiy rayon xerite chirtiyozhi chiqqanliqini xewer qildi.
grmaniyening «Deutsche Welle» médiya guruppisi, tashqi ishlar minstiri mewlüt chawushoghluning süriyede térrorluq teshkilati p k k/ p y d – y p g teripidin ishghal qiliwélinghan munbich rayoni mesiliside amérika bilen élip bériliwatqan muzakirilerdin netije chiqmighan teqdirde, türkiyening firat deryasining sherqige herbiy heriket bashlaydighanliqigha dair signal bergenlikini xewer qildi.
amérika awazi radiyosi, türkiye armiyesining térrorchilardin tazilighan afrin rayonigha insanperwerlik yardemlerni qilishni bashlighanliqini, afrin xelqining türkiye eskerlirige alahide köngül bölüwatqanliqini xewer qildi.
xitay xelqara radiyosi, türkiyening sayahet sahesining közini uzaq sherqqe tikkenlikini, 2018 – yilida xitaydin türkiyege 1 milyon sayahetchi bérishi mumkinlikini xewer qildi.
