«<zeytun shéxi> herbiy herikiti iqtisadiy tereqqiyatqa tesir yetküzmeydu»

türkiye awazi radiyosi xewiri: shimshek paytext enqerede élan qilghan bayanatida, türkiye armiyesining süriyening gherbiy shimalidiki afrin rayonida y p g / p k k we daésh térrorsitlirini bir terep qilish meqsitide qozghighan «zeytun shéxi» herbiy herikitining iqtisadiy tereqqiyatqa tesir yetküzmeydighanliqini tekitlep mundaq dédi: «türkiye térrorizmgha qarshi  küreshte yéngi basquchqa qedem qoydi. türkiye armiyesining süriyening afrin rayonigha qozghighan herbiy herikitini bu dairide analiz qilish kérek. derweqe, türkiye milliy bixeterlikige xiris qiliwatqan tehditni bir terep qilish üchün heriketke ötti, jümlidin enqerening buningdin bashqa niyiti yoq.»

herbiy heriketning iqtisadiy tereqqiyatqa tesir körsetmeydighanliqini eskertken shimshek: «meblegh salghuchilar xatirjem bolsun, herbiy heriket xudayim buyrisa qisqa waqit ichide axirlishidu, jümlidin herbiy heriket sélinma we iqtisadiy tereqqiyat ishlirigha tesir körsetmeydu» dédi.