«تىرىلىش ئەرتۇغرۇل» ئەرەب تور بېتىدە تارقىتىلىدۇ

تۈركىيە ئاۋازى رادىيوسى خەۋىرى: كېلىشىمگە ئاساسەن، ئەرەب دۇنياسى ئىنتايىن قىزىقىدىغان «تىرىلىش ئەرتۇغرۇل» قاتارلىق TRT  قاناللىرىدا قويۇلۇۋاتقان بەزى تۈرك تېلېۋىزىيە تىياتىرلىرى  «‹ ALNOOR › تور بېتى» بىلەن بىرلا ۋاقىتتا تارقىتىلىدىكەن.

TRT  ئەرەبچە قانىلىنىڭ تور بېتىدە بۇ ھەقتە ئېلان قىلىنغان باياناتتا ئەسكەرتىلىشىچە، «‹ ALNOOR › تور بېتى» كېلىشىمگە ئاساسەن TRT   نىڭ بەزى تېلېۋىزىيە تىياتىرلىرىنى تۈركچىدىن ئەرەبچىگە تەرجىمە قىلىش ۋە بىرلا ۋاقىتتا تارقىتىش ھوقۇقىغا ئېرىشكەن.

 تۈركىيەدە تارقىتىلىشتىن بىر كۈن بۇرۇن ئەرەبچىگە تەرجىمە قىلىنىپ تارقىتىلىدىغان تېلېۋىزىيە تىياتىرلىرى ئارىسىدا «تىرىلىش ئەرتۇغرۇل»، «پايتەخت ئابدۇلھېمىد» ۋە يېقىندا تارقىلىدىغان «كۈرتۇل ئامارە» قاتارلىقلار بار ئىكەن.