ھېراقلېس تاش گروب تۈركىيەدە

تۈركىيە ئاۋازى رادىيوسى خەۋىرى: ئانتاليانىڭ ئاقسۇ ناھىيەسىدىكى قەدىمىي پېرگې شەھىرىدە ئارخېئولوگىيەلىك قېزىپ تەكشۈرۈش پائالىيەتلىرى داۋامىدا تېپىلغاندىن كېيىن چەت ئەلگە ئوغرىلاپ كېتىلگەن ھېراقلېس تاش گروب مىنىستىرلىق دائىرىلىرى تەرىپىدىن جەنۋەدە تاپشۇرۇۋېلىندى.

جەنۋە ئۇنىۋېرسىتېتىدىمۇ كۆرگەزمە قىلىنغان تاش گروب تۈنۈگۈن زۇرىختىن تۈركىيە ھاۋا يوللىرى شىركىتىگە ئائىت يۈك ئايروپىلانى بىلەن ئىستانبۇل ئاتاتۈرك ئايرودۇرۇمىغا ئېلىپ كېلىندى.

ئىگىلىنىشىچە، ئالاھىدە بىر ساندۇقتا ساقلانغان ھېراقلېس تاش گروب ئايروپىلان بىلەن ئانتالياغا كەلتۈرۈلۈپ، ئانتاليا مۇزېيىدا كۆرگەزمە قىلىنىدىكەن.