iyordaniye padishahi erdoghangha rexmet éytti
jumhur reis rejep tayyip erdoghan iyordaniyede resmiy uchrishishlarda boldi.
türkiye awazi radiyosi xewiri: iyordaniye padishahi 2 – abdullahning türkiyening mesjidi eqsa mesiliside otturigha qoyghan qetiy iradilik pozitsiyesi üchün jumhur reis rejep tayyip erdoghangha rexmet éytti.
padishah 2 – abdullah iyordaniyede resmiy ziyarette boluwatqan jumhur reis rejep tayyip ordoghan bilen el huseyniye sariyida körüshti we birlikte chaqirghan qoshma axbarat élan qilish yighinida, «hörmetlik jumhur reis rejep tayyip erdoghanning mesjidi eqsada yüz bergen weqelerge qarshi ottura qoyghan qetiy iradilik pozitsiyesi shundaqla iyordaniyege qiliwatqan qérindashlarche yardimi üchün rexmetlirimni sunimen» dédi.
uchrishishta ikki döletke munasiwetlik témilarning muzakire qilinghanliqini bildürüp, « özara tarixiy munasiwetlirimizning 70 – yilida, hörmetlik jumhur reis rejep tayyip erdoghan bilen döletlirimizge munasiwetlik témilarni muzakire qilduq. bu dölitimiz üchün bir ghurur menbesi boldi. siyaset, iqtisad, herbiy, ijtimaiy we xewpsizlik sahesiliridiki munasiwetlirimizni tereqqiy qildurushni dawamlashturimiz. bu sahalerde aldimizda nurghunlighan yaxshi pursetler mewjut» dédi.
padishah 2 - abdullah ikki dölettiki ashqunluq we térrorluqning tesiri terepkimu diqqetni tartip, «her ikki dölet ashqunluq we térrorluqning éghir tesirige uchridi. bumu ikki dölet xelqlirimiz otturisidiki munasiwetlerni kücheytish üchün bashqiche bir pursettur» dédi.
padishah 2 - abdullah jumhur reis rejep tayyip erdoghangha yene bir qétim rexmet éytidighanliqini bildürüp, «hörmetlik jumhur reis rejep tayyip erdoghan! sizge we heyitingizge yene bir qétim iyordaniyege xosh kepsiler démekchimen! bilimenki, her türlük xirislargha qarshi murini murige tirep birlikte yol yurimiz we aldimizgha uchraydighan barliq qéyinchiliqlarni birlikte yéngimiz. silerge yene bir qétim teshekkür éytimen» dédi.
