liwan armiyesi térrorluq teshkilati daishqa zerbe bermekte
liwan armiyesi 2 künlük herbiy heriket netijiside térrorluq teshkilati daishning kontrolluqidiki jaylarning %66 ni qayturup aldi.
türkiye awazi radiyosi xewiri: liwanning süriye chégrasidiki arsal yézisi etrapida yolgha orunlashturulghan bomba partlap 1 esker hayatidin ayrildi.
liwan armiyesi teripidin élan qilinghan bayanatta, partlashning térrorluq teshkilati daésh unsurlirigha qarshi herbiy heriket élip bériliwatqan rayonda etigen seherde yüz bergenliki bildürüldi.
arsal yézisi etrapida yolgha orunlashturulghan bombini pachaqlap tashlash jeryanida yüz bergen partlashta yene, 4 liwan eskiri yaridar boldi.
yene bir tereptin yerlik menbelerning bildürüshiche, liwan qisimlirining daésh nishanlirigha qarshi rakitamiyut we zembirek bilen élip bériwatqan shiddetlik hujumi etigen seherdin tartip dawamlashmaqta.
liwan armiyesi liwanning sherqidiki ras balbek, elfaqiha we elqa yézilirining taghliq rayonlirida térrorluq teshkilati daish unsurlirigha qarshi 19 – awghus küni «tagh shepiqi» namliq zerbe bérish herikitini bashlighan idi.
liwan armiyesi bayanatchisi polkawnik ebu iyd heriket bashlinip, 2 – künining axirida térrorluq teshkilati daéshning kontrolluqidiki rayonning %66 ning qayturup élinghanliqini élan qilghan idi.
