misirda 33 ming tarixiy yadikarliq yoqulup ketti

türkiye awazi radiyosi xewiri: misir tarixiy yadikarliqlar ministirliqi élan qilghan yazma bayanatta, ministirliqning tekshürüshi netijiside yéqinqi 50 yildin buyan 32 ming 638 tarixiy yadikarliqning yoqulup ketkenlikini éniqlap chiqqanliqi bildürüldi.

bayanatta, yoqulup ketken tarixiy yadikarliqlarning tépilishi üchün xelqara saqchi teshkilati qatarliq xelqaraliq alaqidar idare – organlar bilen hemkarliq ornitish qarari élinghanliqi tekitlendi.

qaysi yadikarliqning qandaq yoqulup ketkenliki heqqide tepsiliy melumat bérilmidi.

25 – yanwar iqilabidin kéyin misirda shekillengen muqimsizliq weziyitide bezi yadikarliqlarning yoqulup ketketliki eskertildi.

misir hökümiti oxshash bolmighan dewrlerde chet ellerge élip qéchilghan yadikarliqlarning qayturup kélingenlikini hemde qayturup kélingen yadikarliqlarning sani we qayturup kélingen dölet heqqidiki melumatlarnimu xelq ammisi bilen hembehirlishidighanliqini élan qildi.