asmanlar we zémindiki sheyiler allahning mülkidur
asmanlar we zémindiki sheyiler allahning (mülki, mexluqati we bendiliri) dur, hemme ishlar allahqa qayturulidu.
türkiye awazi radiyosi: al imran sürisi, 109 – 115 - ayetler. asmanlar we zémindiki sheyiler allahning (mülki, mexluqati we bendiliri) dur, hemme ishlar allahqa qayturulidu[109]. (i muhemmed ümmiti!) siler insanlar menpeiti üchün otturigha chiqirilghan yaxshiliqqa buyrup yamanliqtin tosidighan allahqa iman éytidighan eng yaxshi ümmetisiler. eger ehli kitab (yeni yehudiylar, nasaralar) iman éytsa (yeni muhemmed eleyhissalamgha nazil qilinghan wehyige ishense), ular üchün (dunya we axirette) elwette yaxshi bolatti. ularning ichide möminlermu bar, ularning tolisi pasiqlardur[110]. ular silerge azar bérishtin bashqa héchqandaq ziyan ـ zexmet yetküzelmeydu؛ eger siler bilen urushsa, silerge arqisini qilip qachidu, andin ulargha yardem bérilmeydu[111]. ularning qeyerde bolmisun allahning we musulmanlarning himayiside bolghanliridin bashqiliri xarliqqa pétip qaldi, allahning ghezipige uchridi. mohtajliqqa chömdi. bu ularning allahning ayetlirini inkar qilghanliqliri we peyghemberlerni naheq öltürgenlikliri üchündur, ularning allahning permanidin chiqip ketkenlikliri we allahning cheklimisidin éship ketkenlikliri üchündur[112]. ular birxil emes, ehli kitabtin (yeni yehudiylar, nasaralardin) kéchiliri allahning ayetlirini tilawet qilip turidighan we sejde qilip turidighan bir jamae kishiler bar[113]. ular allahqa we axiret künige ishinidu, yaxshi ishlargha buyruydu, yaman ishlardin tosidu, xeyrlik ishlarni qilishqa aldiraydu؛ ene shular yaxshilardindur[114]. ular her qandaq yaxshiliqni qilsun, u bikar ketmeydu. allah teqwadarlarni obdan bilidu[115].
