türkiye armiyesi daéshqa ejellik zerbe berdi
türkiye armiyesi daéshning süriyediki nishanlirini yer bilen yeksan qiliwetti.
türkiye awazi radiyosi xewiri: ittipaqdash küchliri süriyede térrorluq teshkilati daésh nishanlirigha «boran - chapqun» namliq shrapnél atidighan zembirekler we urush ayropilanliri bilen hujum qildi.
hujumda 8 daéshchi öldi. daéshning süriyedin türkiyege bomba étishqa teyyarliniwatqanliqi éniqlap chiqildi.
türkiye armiyesi daéshqa ait qoral - yaragh iskilatliri, katyusha rakétamiyutliri we minamyotliridin teshkil tapqan 11 nishanni «boran - chapqun» namliq shrapnél atidighan zembirekler arqiliq yer bilen yeksan qiliwetti.
buningdin bashqa yene, ittipaqdash küchlirige ait urush ayropilanlirimu jaqqa we duweybik rayonlirini uda 3 qétim bombardiman qildi.
daéshning kontrolluqidiki güzel mezra we yéngi yaban rayonlirimu öktichilerning qoligha ötti.
yene bir tereptin, türkiye armiyesige ait urush ayropilanliri siirtning eruh we shirnaqning beytushshebap yézilirida élip barghan hawa hujumlirida térroristlarning 6 uwisini pachaqlap tashlidi.
haqqarining shemdinli nahiyesidiki bir herbiy bazigha hujum qilghan 6 térrorist yoqitildi.
