hafize ghaye erkanning ornigha fatih qaraxan teyinlendi

türkiye awazi radiyosi xewiri: türkiye jumhuriyiti merkiziy bankisi bashliqi hafize ghaye erkan özining ijtimaiy taratqudiki adrésida uchur hembehrilep, özining 2023-yili 6-ayning 8-künidin buyan türkiye jumhuriyiti merkiziy bankisining bashliqliq wezipisini ötep kéliwatqanliqini tilgha élip: «jumhur reisimizdin birinchi künidin buyan sherep bilip ada qilip kéliwatqan wezipemdin méni élip tashlishini telep qildim» dédi.

bashliqliq wezipisidin ayrilish telipi qobul qilinghan hafize ghaye erkanning ornigha merkiziy bankining muawin bashliqi fatih qaraxan teyinlendi؛ jumhur reis erdoghanning fatih qaraxanning türkiye jumhuriyiti merkiziy bankisining bashliqliqigha teyinlengenliki toghrisidiki qarari resmiy gézitte élan qilindi.

türkiye jumhuriyiti xezine we maliye ministiri mehmet shimshek bayanat bérip, merkiziy bankining iqtisadiy programmisining qetiylik bilen üzlüksiz dawam qilidighanliqini éytti.

hafize ghaye erkanning qararining öz xahishigha asasen chiqirilghan pütünley shexsiy qarar ikenlikini bildürgen shimshek, sözini dawamlashturup: «biz küchlük hemkarliqni ishqa ashurup, masliship heriket qilip, baha muqimliqini kapaletke ige qilish nishanimizgha qarap dadil ilgirileshni dawamlashturimiz» dégenlerni qeyt qildi.