erdoghan: pul paxalliqini qaytidin bir xanige chüshürimiz
jumhur reis rejep tayyip erdoghan ishlepchiqirish, ishqa orunlishish we iqtisadning éshishigha tesir yetküzmestin pul paxalliqini qaytidin bir xaniliq sangha chüshürüshni pilanlawatqanliqlirini bildürdi.
2083299
türkiye awazi radiyosi xewiri: jumhur reis erdoghan 2023-yilliq éksport sanliq melumatlirini élan qilish yighinida söz qilip: «biz tashqi siyasitimizni türkiyeni merkez qilghan dunyawi nezer bilen shekillendürduq, buningdin qetiy qaytish yoq» dédi.
ishlepchiqirish, ishqa orunlishish we iqtisadning éshishigha tesir yetküzmestin, pul paxalliqini qaytidin bir xaniliq sangha chüshürüshni pilanlawatqanliqlirini tekitligen erdoghan: «pul paxalliqi mesilisini puqralarning kündilik turmushidin chiqiriwétimiz» dédi.
2023-yili ékisportning bir aldinqi yilgha sélishturghanda %0.6 éshish arqiliq 255 milyard 809 milyon dollargha yétip, jumhuriyet tarixidiki rékortni buzup tashlighanliqini eskertken erdoghan, iyul, awghust, öktebir, noyabir we dékabir aylirida éksport eng yuqiri sewiyege yetken aylar bolghanliqini bildürdi we sözini dawamlashturup: «2023-yili 10-aygha kelgende yilliq mulazimet éksporti 99 milyard 254 milyon dollargha yétip, tarixtiki eng yuqiri sewiyeni yaratti» dédi.
2002-yili ayliq otturiche éksportning 3 milyard dollar ikenlikini, bügünki künde bolsa, ayliq otturiche éksportning 21 milyard 300 milyon dollargha yetkenlikini otturigha qoyghan erdoghan, (hökümetning) éksport qilghuchilarni qollashni dawamlashturidighanliqini tekitlidi.
jumhur reis erdoghan yene: «meqsitimiz türkiye mehsulatliri tonulmighan we éksportchilirimiz qedem basmighan dölet qaldurmasliqtur» dégenlerni sözlirige ilawe qildi.
مۇناسىۋەتلىك خەۋەرلەر
gollandiyening sayahet paraxoti alanyagha keldi
gollandiyening «ostérdam» namliq sayahet paraxoti antalya wilayitining alanya nahiyesige keldi.
