amérika merkiziy bankasi ösümni östürmidi
amérika merkiziy bankasi (Fed) siyaset ösümini %5.25-5 ariliqida muqimlashturdi.
türkiye awazi radiyosi xewiri: amérika merkiziy bankasi ösüm nisbiti toghrisida bayanat élan qildi.
bayanatta, ösüm nisbitini muqim tutush qararining awaz birliki bilen chiqirilghanliqi bildürüldi.
bayanatta yene, fédératsiye échiwétilgen bazar komitéti (FOMC) ning eng yuqiri ishqa orunlishishni we uzun muddette pul paxalliqini %2 ke chüshürüshni nishan qilghanliqini eskertip, buni qollash üchün ösüm nisbitining %5.25-5 bolushining qarar qilinghanliqi qeyt qilindi.
shuning bilen, amérika merkiziy bankasi aridin 15 ay ötkendin kéyin, ösümni muqim tutqan boldi.
amérika merkiziy bankasi 2022-yili mart éyda ösümni 25 nomur östürüp, 2018-yildin buyanqi tunji qétimliq ösüm östürüshni emelge ashurghan idi. mart éyi (2023) diki yighinda bolsa, ötken yili (2022) ning mart éyidin tartip hésablighanda 10-qétimliq ösüm östürüsh bilen jemiy 500 nomur östürgen boldi.
amérikada pul paxalliqi ötken yili (2022) iyunda %9 ke yetken bolup, bu 1981-yildin buyanqi eng yuqiri nuqta idi. bu yil (2023) may éyida bolsa, %4 ke töwenligen idi.
مۇناسىۋەتلىك خەۋەرلەر
gollandiyening sayahet paraxoti alanyagha keldi
gollandiyening «ostérdam» namliq sayahet paraxoti antalya wilayitining alanya nahiyesige keldi.
