تۈركىيە2022 – يىلى ئىقتىسادىي جەھەتتىن % 5.6 تەرەققىي قىلدى

تۈركىيە ئاۋازى رادىيوسى خەۋىرى: تۈركىيە ئىستاتىستىكا ئورگىنى تۈركىيەنىڭ 2022 – يىللىق ئىشلەپچىقىرىش ئۇسۇلى بىلەن ھېسابلانغان مىللىي ئىشلەپچىقىرىش ئومۇمىي قىممىتى نەتىجىلىرىنى ئېلان قىلدى.

بۇنىڭغا ئاساسلانغاندا،  تۈركىيە 2022 – يىلى ئىقتىسادىي جەھەتتىن % 5.6، 2022 - يىلىنىڭ ئاخىرقى پەسلىدە بولسا % 3.5 تەرەققىي قىلغان.

تۈركىيەنىڭ 2022 – يىلىدىكى مىللىي ئىشلەپچىقىرىش ئومۇمىي قىممىتى ئالدىنقى يىلنىڭ ئوخشاش مەزگىلىگە سېلىشتۇرغاندا % 107 ئېشىپ، 15 تىرىليون 6 مىليارد 574 مىليون لىراغا يەتكەن.

شۇنىڭ بىلەن، تۈركىيە ئىقتىسادىي جەھەتتىن ئۇدا 10 پەسىلدىن بۇيان ئۈزلۈكسىز تەرەققىي قىلغان.