awstriyening her qaysi sheherliride turmush xirajetlirining örlep kétishige naraziliq bildürüldi
awstriyening paytexti wiyénnani öz ichige nurghun sheherlerde turmush xirajitining yuqiri, ish heqqining yétersizliki mesilisige qarshi naraziliq namayishi ötküzüldi.
türkiye awazi radiyosi xewiri: awstriye ishchilar uyushmisi teripidin uyushturulghan namayishta, «bahani östürüsh toxtitilsun» we «bahani chüshürüp, maashni östürünglar» dégen xetler yézilghan lozunkilar chiqirildi.
paytexttin bashqa, awstriyening texminen 40 yéride 30 ming kishining ishtirak qilishi bilen ötküzülgen namayishta, eng töwen ish heqqidin tartip barliq xizmetchilerning maashining östürülüp, turmush tennerxining örlep kéitishning aldini élish telep qilindi.
bu jeryanda, 9 - séntebir ötküzülidighan pirézidéntliq saylimida ikkinchi qétim kandidat bolghan nöwettiki pirézidént aléksandr wan dér béllénmu ijtimaiy alaqe supisidiki adrésida uchur hembehrilep, memliket miqyasida uyushturulghan namayishlarni qollaydighanliqini jakarlidi.
awstriyede pul paxalliqi rusiye-ukraina urushi sewebidin uda örlep 1975-yildin buyanqi eng yuqiri sewiyege yetti.
gerche hökümet turmush xirajetlirining üzlüksiz örlep kétishining aldini élish meqsitide türlük yardem pilanlirini élan qilip ijra qilghan bolsimu, emma maash mesiliside téxi körünerlik birer qedem tashlanmidi.
awstriye ishchilar uyushmisi, nöwette ijra qiliniwatqan eng töwen ish heqqining 1600 yawrodin 2000 yawrogha östürülüshini telep qilmaqta.
مۇناسىۋەتلىك خەۋەرلەر
gollandiyening sayahet paraxoti alanyagha keldi
gollandiyening «ostérdam» namliq sayahet paraxoti antalya wilayitining alanya nahiyesige keldi.
