تۈركىيەنىڭ ئېكىسپورتى ئىيۇل ئېيىدا ئاشتى

تۈركىيە ئاۋازى رادىيوسى خەۋىرى: تۈركىيە ئىستاتىستىكا ئورگىنى بىلەن سودا ئىشلىرى مىنىستىرلىقى بىرلىكتە ئېلان قىلغان ئىيۇل ئېيىدا ئىشقا ئاشۇرۇلغان ئېكىسپورتقا مۇناسىۋەتلىك سانلىق مەلۇماتلارغا قارىغاندا، ئومۇمىي سودا سىستېمىسى دائىرىسىدىكى ئېكسپورت، ئىيۇل ئېيىدا ئالدىنقى يىلنىڭ ئوخشاش مەزگىلىگە سېلىشتۇرغاندا % 10.2 ئېشىپ، 16 مىليارد 415 مىليون دوللارغا يەتكەن.

يانۋاردىن ئىيۇلغىچە، ئېكسپورت ئالدىنقى يىلنىڭ ئوخشاش مەزگىلىگە سېلىشتۇرغاندا% 34.9 ئېشىپ، 121 مىليارد 325 مىليون دوللارغا يەتكەن.