ياپونىيە تەرەققىيات ياردەملىرىنى توختىتىشى مۇمكىن

تۈركىيە ئاۋازى رادىيوسى خەۋىرى: ياپونىيە تاشقى ئىشلار ۋەزىرى موتېگى توشىمىتسۇ، بۇ ھەقتە ئېلان قىلغان باياناتىدا، بىرما خەلقى ۋە خەلقئارا جەمئىيەتنىڭ، بىرمانىڭ ۋەزىيىتىنىڭ ياخشىلىنىشىنى كۈتۈۋاتقانلىقىنى ئەسكەرتىش بىلەن بىر ۋاقىتتا، بىرمادا ۋەزىيەت ئومۇميۈزلۈك ياخشىلانمىغان تەقدىردە، بىرماغا بېرىۋاتقان تەرەققىيات ياردەملىرىنى توختىدىغانلىقلىرىنى، ياپونىيە ھۆكۈمىتىنىڭ، شەرقىي جەنۇبىي ئاسىيا ئەللىرى ئىتتىپاقىنىڭ بىرمانىڭ ۋەزىيىتىنى ياخشىلاش يولىدا كۆرسىتىۋاتقان تىرىشچانلىقلىرىنى كۆزىتىۋاتقانلىقىنى تەكىتلىدى.

ياپونىيە دۆلەتلىك رادىيو - تېلېۋىزىيە ئورگىنى NHK نىڭ خەۋەر قىلىشىچە، ياپونىيە ئىلگىرى يېڭى تەرەققىيات ياردەم كېلىشىمىگە ئىمزا قويماسلىقنى قارار قىلغان بولۇپ، تەستىقلانغان كەڭ دائىرىلىك ياردەملەر ئۈزلۈكسىز داۋاملاشماقتا ئىكەن.