رۇسىيە بىلەن تۈركىيە ئوتتۇرىسىدا بۈگۈندىن ئېتىبارەن ئايروپىلان سەپەرلىرى باشلىنىدۇ

تۈركىيە ئاۋازى رادىيوسى خەۋىرى: قاتناش ۋە ئۇل ئەسلىھە مىنىستىرى ئادىل قارائىسمايىلئوغلۇ كوۋىد-19 يۇقۇمىدىن نورماللىشىش مەزگىلىگە ئۆتۈش ئۈچۈن تاشلانغان قەدەملەر دائىرىسىدە، 11 - ئىيۇندىن ئېتىبارەن 31 دۆلەت بىلەن ئۇچۇش باشلىغانلىقىنى ئەسكەرتىپ، «بۈگۈندىن ئېتىبارەن رۇسىيە بىلەنمۇ نۆۋەتچى ئايروپىلانلارنىڭ ئۇچۇشىنى باشلاش ھەققىدە كېلىشىم ھاسىل قىلدۇق» دېدى.

31 دۆلەت بىلەن ئۇچۇشنى قايتا باشلاشتىن باشقا يەنە، 20 دۆلەت بىلەنمۇ سۆھبەتلەر داۋاملاشماقتا.

رۇسىيەنىڭمۇ قېتىلىشى بىلەن قايتا ئايروپىلان سەپەرلىرى باشلانغان دۆلەتلەرنىڭ سانى  32 گە ئۆرلىدى.