türkiye iraqliq ezidilerge yardem qolini sundi
türkiye qizilay jemiyiti iraqning dohuq rayonining sherqidiki «‹hanqi› musapirlar lagéri» da qiliwatqan 3 ming ezidi ailisige yémek – ichmek buyumliri tarqitip berdi.
türkiye awazi radiyosi xewiri: türkiyening erbikl bash konsuli haqan qarachay, ezidilerge yémek - ichmek buyumlirini tarqitip bérish murasimida qilghan sözide, iraqta yüz bériwatqan térrorizm we zorawanliq weqelirining nahayiti derd – elemlerni keltürüp chiqarghanliqini, térrorluq teshkilati daésh sewebidin yüz mingdin artuq ezidining musulning sinjar nahiyesidiki öy – makanlirini terk étishke mejbur bolghanliqini tekitlep mundaq dédi: «<(hanqi) musapirlar lagéri> sinjardin qachqan ezidiler qiliwatqan bir lagér bolup, térrorluq teshkilati daéshtin qéchip bashqa jaylarda panahliniwatqan ezidiler, tolimu epsuski, bügünki künde yene bir térrorluq teshkilati bolghan p k k ning sinjardiki térrorluq paaliyetliri we mewjudiyiti sewebidin öy – makanlirigha qaytalmaywatidu.»
türkiyening dunyaning herqaysi jaylirida milli we dini qandaq bolushidin qetiynezer barliq mezlum xelqlerge yardem qolini sunuwatqanliqini eskertken qarachay, 3 ming ezidi ailisige yémek - ichmek buyumliri tarqitip bérilishiningmu buning bir qismi ikenlikini qeyt qildi.
yene bir tereptin, türkiye qizilay jemiyiti iraq heyitining mesuli murat bilgili, sinjardin köchüp herqaysi musapirlar lagérlirida yashashqa mejbur bolghan 3 ming ezidi ailisigimu yémek - ichmek buyumliri yetküzüp bergenliklirini eskertti.
مۇناسىۋەتلىك خەۋەرلەر
gollandiyening sayahet paraxoti alanyagha keldi
gollandiyening «ostérdam» namliq sayahet paraxoti antalya wilayitining alanya nahiyesige keldi.
