rusiye néfit ishlepchiqirishni azaytidighanliqini élan qildi
rusiye énérgiye ministiri aléksandir nowak néfit éksport qilghuchi döletler teshkilati (OPEC) yighinida néfit ishlepchiqirish miqdarini azayitish qarari dairiside, 2019-yil yanwar éyidin bashlap qedemmu qedem azaytidighanliqlirini bildürdi.
türkiye awazi radiyosi xewiri: rusiye énérgiye ministiri aléksandir nowak moskwada bayanat élan qilip, néfit éksport qilghuchi döletler teshkilati we ishlepchiqarghuchi döletlerning künlüki néfit ishlepchiqirish miqdarini azaytish qararidin kéyin, rusiyeningmu néfit ishlepchiqirishni qedemmu qedem azaytidighanliqini bildürdi.
u yanwar éyidiki néfit ishlepchiqirish miqdarini azayitishning kilimat we téxnika imkaniyetlirige baghliq ikenlikini eskertip: «shirketlerdin tekliplirini alimiz. texminlirimizge asaslanghan waqtimizda, ishlepchiqirishimizni 2018-yilning öktebir sewiyesige sélishturghanda künlüki 50 mingdin 60 ming warilghiche azaytish yolida ilgirileymiz» dédi.
ötken hepte awstiriye paytexti wiyénnada ötküzülgen 5-nöwetlik OPEC we bu teshkilatqa eza bolmighan döletler yighinida, néfit ishlepchiqirishni künlüki 1.2 milyon waril azaytish qarari üstide kélishim hasil qilinshghan idi.
rusiye kélishim ramkisida néfit ishlepchiqirish miqdarini künlüki 228 ming waril azaytish heqqide wede bergen idi.
مۇناسىۋەتلىك خەۋەرلەر
türkiyening sanaet mehsulatlirini ishlepchiqirish körsetküchi ashti
türkiyening sanaet mehsulatlirini ishlepchiqirish körsetküchi yilliq nisbette % 4.3 ashti.
