pekjan: öktebir éyida jumhuriyet tarixining rékorti yaritildi
türkiye jumhuriyiti soda ishliri ministiri ruhsar pekjan, öktebir éyida jumhuriyet tarixining ayliq éksport rékorti yaritilghanliqini bildürdi.
türkiye awazi radiyosi xewiri: soda ishliri ministiri ruhsar pekjan, adana muziyida ötküzülgen muxbirlarni kütüwélish yighinida, öktebir éyidiki éksportqa alaqidar sanliq melumatlar toghrisida toxtilip, «jumhuriyet tarixining eng yuqiri ayliq éksport reqimini qolgha keltürduq. %13.1 lik éshish bilen 15 milyard 732 milyon dollarliq (mehsulat) éksport qilduq. yene öktebir éyida importimiz %23.5 töwenlep, 16 milyard 261 milyon dollar boldi» dédi.
«biz öktebir éyida eng köp mehsulat éksport qilghan döletler gérmaniye, engliye we italiye. hemmisi süpetni asas qilidighan, süpetlik malni we riqabetchi bahagha qaraydighan döletlerdur» dégen soda ishliri ministiri ruhsar pekjan, «éksportchilirimizni süpet jehettinmu teqdirleymen» dégenlerni qeyt qildi.
«yéngi iqtisad pilanimiz dairiside éksportimizning yil axirida 170 milyard dollargha yétidighanliqini körüwatimiz» dégen pekjan, «nishan dölet bazarlirighimu éksportimiz süret bilen ashmaqta. méksikigha %14, hindistangha %16, latin amérikisigha %41 (ashti). afriqa döletlirige alahide ehmiyet bérimiz we öktebir ayliq éksportimiz ötken yilning öktebir ayliq éksportimizgha sélishturghanda, afriqigha %25 ashti» dégenlerni sözlirige ilawe qildi.
مۇناسىۋەتلىك خەۋەرلەر
shimshek: yershari meblegh salghuchiliri türkiyening iqtisadiy pilanigha ishinidu
ministir mehmet shimshek amérika qoshma ishtatliridiki ziyariti heqqide TRT ge bayanat berdi.