IMF: تۈركىيە ئىقتىسادىي تەرەققىياتتا زور ئىلگىرىلەشلەرنى ھاسىل قىلدى

تۈركىيە ئاۋازى رادىيوسى خەۋىرى: خەلقئارا پۇل فوندى تەشكىلاتىنىڭ تۈركىيە توغرۇلۇق ئېلان قىلغان دوكلاتىدا، فەتھۇللاھچى تېررورلۇق تەشكىلاتىنىڭ 2016 – يىلقى مەغلۇبىيەت بىلەن ئاخىرلاشقان ھەربىي ئىسيان ئۇرۇنۇشىدىن كېيىن، تۈركىيەنىڭ 2017 – يىلى ئىقتىسادىي تەرەققىياتتا زور ئىلگىرىلەشلەرنى ھاسىل قىلغانلىقى تەكىتلەندى.

تۈركىيەنىڭ ئىقتىسادىي تەرەققىياتتا ناھايىتى زور مۇۋەپپەقىيەتلەرنى قولغا كەلتۈرۈش بىلەن بىر ۋاقىتتا، ئىقتىسادىي جەھەتتىن ئىچكى – تاشقى تەڭپۇڭسىزلىقلارغا دۇچ كېلىۋاتقانلىقى ئەسكەرتىلگەن دوكلاتتا، پۇل پاخاللىقىنىڭ نىشاندىن يۇقىرىلىقى، سىياسىي مۇقىمسىزلىق ۋە رايون خاراكتېرلىك تەڭپۇڭسىزلىقلارنىڭ يۈكسەك ئىكەنلىكى قەيت قىلىندى.

پۇل – مۇئامىلە سىياسىتى جەھەتتىن مۇھىم تەدبىرلەرنى ئېلىشنىڭ زۆرۈرلۈكى تەكىتلەنگەن دوكلاتتا، قۇرۇلمىلىق ئىسلاھاتلار ئارقىلىق ئىچكى بازارلارنى جانلاندۇرۇش ئۈچۈن قەدەم تاشلاشنىڭ مۇھىملىقى بىلدۈرۈلدى.