türkiyening samsun wilayitidin kuweytke biwasite uchush bashlinidu
türkiyening samsun wilayiti bilen kuweyt otturisida biwasite ayropilan seperlirining iyun éyida bashlinishi kütülmekte.
türkiye awazi radiyosi xewiri: samsun wilayetlik medeniyet we sayahet ishliri idarisining muawin bashliqi irfan göz, bu heqte élan qilghan bayanatida, samsun – kuweyt otturisida biwasite ayropilan seperlirini ishqa kirishtürüsh xizmitining tamamlinish aldida turuwatqanliqini éytti.
türkiye hawa yolliri shirkitining 30 – aprél küni kuweytte sayahet shirketliri bilen bir yerge jem bolup, bu heqte muzakire élip baridighanliqini hemde tonushturush xizmiti ishleydighanliqini qeyt qilghan irfan göz, tonushturush paaliyetlirining tamamlinishidin kéyin yazliq xizmet mewsumida ayropilan seperlirining bashlinidighanliqini tekitlep mundaq dédi: «samsun – kuweyt otturisida biwasite ayropilan seperlirining iyun éyida bashlinishini kütüwatimiz. bu, samsunning sayahet we soda ishlirigha nisbeten muhim özgirish hésablinidu. samsun tebiiy, tarixiy we medeniyet jehettiki bayliqliri, déngiz, quruqluq, hawa, tömür yoli qatnashlirining qolayliqi bilen qaradéngiz rayonining asasliq bazisidur. derweqe, samsun tebiiy bayliq menbeliri, saghlamliq we déngiz sayahiti qatarliq nurghun jehettin tallash xaraktérlik ewzellikliri bilen tépilghusiz sayahet rayonidur.»
u yene, samsun bilen seudi erebistanning jidde we riyad sheherlirige, shundaqla, liwangha biwasite ayropilan seperlirini ishqa kirishtürüsh yolida xizmet ishliniwatqanliqinimu sözlirige ilawe qildi.
مۇناسىۋەتلىك خەۋەرلەر
türkiyening sanaet mehsulatlirini ishlepchiqirish körsetküchi ashti
türkiyening sanaet mehsulatlirini ishlepchiqirish körsetküchi yilliq nisbette % 4.3 ashti.