iraq xitay néfit shirkiti bilen kélishti

türkiye awazi radiyosi xewiri: iraq néfit ministiri jebbar luaybi xitay néfit shirkiti bilen néfit quduqlirini tereqqiy qildurush kélishimi tüzülgenliki toghrisida axbarat élan qilish yighini ötküzdi. u: «baghdadtiki néfit quduqlirini künlüki 40 ming waril néfit chiqirish iqtidarigha ige qilish üchün, xitayning jungxua néfit shirkiti bilen besh yilliq kélishim tüzduq» dédi.

u xitay néfit shirkitining néfit quduqliri bar rayonda turalghu salidighanliqinimu bildürdi we turalghulargha qoshumche qilip, doxturxana, mektep we yesli qatarliqlarnimu salidighanliqini eskertti.

iraq néfit ministiri jebbar luaybi mezkur néfit quduqlirini tereqqiy qildurushta, xizmet qilidighanlarning %50 ning iraq puqrasi bolidighanliqini bildürdi.

iqtisadi pütünley néfitqa tayinidighan iraq, künlük ishlepchiqarghan 4.5 milyon waril néfitning texminen 3.5 milyon warilini éksport qilidu.